Salmos 1 - Qheshwa Biblia DC

LIBRO I [SALMOS 1-41] Kusisqa runa

¹ Kusikuyniyojmin runaqa sajra runaspa yuyaychasqankuta mana jap'ejqa, juchasapaspa ñanninkutapis mana qhatejqa, Diosmanta asikojkunawampis mana khuskachakojqa.

² Manachayqa, pay Diospa kamachisqampi sonqonta churan, chay kamachisqampitaj tuta p'unchay yuyan.

³ Chay runaqa mayu cantopi kaj sach'a jina, tiempompi poqoj, laqhesnenqa q'omerllapuni, manataj q'elluyanchu. Tukuy ima ruwasqanqa allinman rin.

⁴ Sajra runasrí mana jinachu kanku, paykunaqa wayrawan apachikoj ichhu jina kanku.

⁵ Chayrayku sajra runasqa juiciopi mana librakonqankuchu, manataj juchasapaspis cheqan runaswan tantakonqankuchu.

⁶ Señorqa cheqan runaspa ñanninta rejsin, sajra runaspa ñanninrí chinkayman pusan.