Oseas 3 - Qheshwa Biblia DC

Oseasqa qhencha warmiwan

¹ Señor ujtawan nillawarqataj: Riy munakamuy kausaqempa qhencha warminta, kausaqen munakullantaj chayta. Israelitaspa, mana rejsisqa dioskunasninkuman kutiripojtinku jinataj jaywajtinkupis, chay lantisninkuman, chayllamantataj mikhojtinkupis, uva ch'akisqasmanta tortasta ruwaspa, nispa.

² Chaypacha noqapaj ranterqani uj warmita chunka phishqayoj qolqewan, kinsa pachaj kinsa chunkayoj litros cebadawan ima.

³ Nerqani: Unaypaj noqajta kapuwanki. Ama qhenchachakuyñachu, nitajwaj qharimampis entregakuychu; jinallatataj noqapis qanllawanña cheqanta purisaj, nispa.

⁴ Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

⁵ Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.