Números 7 - Qheshwa Biblia DC

Ofrendas Dioswan tinkukuna toldota t'aqapunapaj

¹ Moisesqa Dioswan tinkukuna toldota ruwayta tukuytawan, Señorman jaywarqa aceitewan jawiraspa, tukuy imasnintawan khuska, jinallataj altarpa imasnintawan.

² Chaymantaqa tukuynin israelitasta yupaysejkunapis, sapa ayllumanta kurajkuna chayman rerqanku.

³ Señormantaj ofrendasninkuta jaywarqanku sojta qhatasqa carretasta, chunka iskayniyoj wakasta. Sapa carreta karqa iskay ayllumanta kuraj kamachejkunapaj, sapa uj wakastaj sapa ayllumanta kurajkunapaj. Chay tukuyninta churarqanku Dioswan tinkukuna toldo punkuman.

^4-5 Chaymanta Señorqa Moisesman nerqa: Chay carretasta wakastawan jap'iy, chaykunatataj levitasman qoy Dioswan tinkukuna toldopi imastachus ruwasqasninkumanta apaykachanankupaj, sapa ujninku imastachus ruwasqankuman jina.

⁶ Moisesqa carretasta, wakastawan jap'erqa, chaykunatataj levitasman rak'erqa.

⁷ Gersompa mirayninman iskay carrestasta, iskay yunta wakastawan qorqa, chaykunataj llank'anankupaj karqa.

⁸ Merarej mirayninmantaj tawa carretasta tawa yunta wakastawan qorqa, chaykunaqa llank'anankupaj karqa Paykunata kamacherqa sacerdote Aarompa wawan Itamar.

⁹ Coatpa wawasninmantaj mana imatapis qorqachu ni carretasta, nitaj wakastapis. Imaschus Diospaj nisqas kajkunata paykunata jap'ispa, lijraspataj apananku karqa.

¹⁰ Altarta Señorman t'aqachishajtinkutaj, sapa ayllumanta kurajkuna ofrendasninkuta aparqanku altar k'uchuman.

¹¹ Chaymantataj Moisesman Señorqa nerqa: Sapa p'unchay sapa ayllumanta uj kuraj kaj jamunan tiyan ofrendan oqharisqa altarta Señorman t'aqapunampaj.

¹² Ñaupaj kaj diapi Naasón ofrendan oqharisqa jamorqa, Judá ayllumanta Aminadadpa wawan.

¹³ Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan tinkukuna toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñat'usqa ch'aki mikhuymanta ofrenda kanampaj.

¹⁴ Chantapis qollarqataj qorimanta uj jatun cucharatawan inciensoyojta, pesarqataj pachaj chunkayoj gramosta.

¹⁵ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

¹⁶ Chanta uj chivotawan apamorqa juchaspa cuentanmanta uj rikuchikuta jina jaywanapaj.

¹⁷ Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderosta. Kay ofrendasqa karqanku Aminadadpa wawan Naasompata.

¹⁸ Iskay kaj diapi Zuarpa wawan Natanael ofrendasninta aparqa. Payqa kuraj kamachej karqa Isacarpa ayllunmanta.

¹⁹ Natanaelpis Naasón kikillantataj ofrendasninta qorqa. Pay qorqa uj qolqe chuwata, pesarqataj pachaj kinsa chunkayoj gramos; uj qolqe yuruta, chaytaj pesarqa qanchis chunka gramos, imaynachus Dioswan tinkukuna toldopaj karqa chayman jina, iskaynin junt'as karqanku sumaj kaj ñut'u jak'umanta ñat'usqa ofrendayoj.

²⁰ Chaymantaqa qollarqtaj uj qolqe cucharata incienso junt'ayojta, pesarqataj chunka gramos.

²¹ Chanta qollarqataj uj waka uñata, uj carnerota uj watayoj corderota sumaj q'apashajta Señorman ofrendata jaywanampaj.

²² Qollarqataj uj chivota juchaspa cuentanmanta.

²³ Allinyakuy ofrendatataj iskay novillo wakasta qorqa, phishqa carnerosta, phishqa chivosta, phishqa corderosta uj watayojtakama. Kay jina ofrendasta Zuarpa wawan Natanaelqa apamorqa.

²⁴ Kinsa kaj diapi Helompa wawan Eliabñataj ofrendasninta aparqa. Pay karqa kuraj kamachej.

²⁵ Payqa ofrendata uj qolqe chuwata apamorqa, pesarqataj pachaj kinsa chunkayoj gramos; uj qolqe yuruta, pesarqataj qanchis chunka, Dioswan tinkukuna toldopi imaynachus peso churasqa kasqanman jina, iskaynimpitaj sumajnin kaj ñut'u jak'u ofrenda junt'as aceitewan ñat'usqa karqa.

²⁶ Chaymantaqa uj qori cucharata inciensowan junt'ayojta apamorqa, pesarqataj chunka gramos.

²⁷ Chanta apamullarqataj uj waka uñata, uj carnerota, uj watayoj corderota Diospaj ruphachisqa kanampaj.

²⁸ Chanta uj cabra chivotawan apamullarqataj juchaspa cuentanmanta uj rikuchikuta jina jaywanapaj.

²⁹ Chay tukukuytataj allinyakuy ofrendata jaywarqa iskay torosta, phishqa carnerosta, phishqa cabra chivosta, phishqa corderosta uj watayojtakama. Kay ofrendasqa karqanku Helompa wawan Eliabpata.

³⁰ Tawa kaj diapi Sedeurpa wawan Elisurñataj ofrendasninta aparqa, pay kuraj kaj kamachej Rubén ayllumanta karqa.

³¹ Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan tinkukuna toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

³² Chaymantaqa qollarqataj qorimanta uj jatun cucharatawan inciensoyojta, pesarqataj pachaj chunkayoj gramos.

³³ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

³⁴ Chanta uj cabra chivotawan apamorqa juchaspa cuentanmanta uj rikuchikuta jina jaywanapaj.

³⁵ Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna paypa ofrendasnin karqa.

³⁶ Phishqa kaj diapi Zurisadaipa wawan Selumiel ofrendasninta apamorqa. Pay karqa Simeón ayllumanta kuraj kaj kamachej.

³⁷ Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan parlana toldopi peso churasqa kasqanman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

³⁸ Chantapis qollarqataj qorimanta uj jatun cucharata inciensoyojta, pesarqataj pacha chunkayoj gramos.

³⁹ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁴⁰ Chanta uj chivotawan apamorqa juchaspa cuentanmanta uj rikuchikuta jina jaywanapaj.

⁴¹ Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna paypa ofrendasnin karqa.

⁴² Sojta kaj diapi Deuelpa wawan Eliasaf ofrendasninta apamorqa. Pay karqa Gad ayllumanta kuraj kaj kamachej.

⁴³ Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chanta uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan parlana toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

⁴⁴ Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

⁴⁵ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁴⁶ Chanta uj chivotawan apamorqa juchaspa cuentanmanta uj rikuchikuta jina jaywanapaj.

⁴⁷ Chay tukukuytataj allinyakuy ofrendata jaywarqa iskay torosta, phishqa carnerosta, phishqa cabra chivosta, uj watayoj phishqa corderostawan. Kaykuna paypa ofrendasnin karqa.

⁴⁸ Qanchis kaj diapi Amiudpa wawan Elisama ofrendasninta apamorqa, pay karqa kuraj kaj kamachej, Efraín ayllumanta.

⁴⁹ Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chanta uj qolqe yurutawan apamorqa, chaytaj pesarqa qanchis pachaj qanchis kunkayoj gramos, imaynachus Dioswan tinkukuna toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

⁵⁰ Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

⁵¹ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁵² Chanta uj chivotawan apamorqa juchaspa cuentanmanta uj rikuchikuta jina jaywanampaj.

⁵³ Chay tukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna Amiudpa wawan Elisamaj ofrendasnin karqa.

⁵⁴ Pusaj kaj diapi Pedasurpa wawan Gamaliel ofrendasninta aparqa. Pay karqa Manasés ayllumanta kuraj kaj kamachej.

⁵⁵ Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chanta uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan tinkukuna toldopi pesa churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

⁵⁶ Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

⁵⁷ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁵⁸ Chanta uj cabra chivotawan apamorqa juchaspa cuentanmanta uj rikuchikuta jina jaywanampaj.

⁵⁹ Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna Pedasurpa wawan Gamalielpa ofrendasnin karqa.

⁶⁰ Isq'on kaj diapi Gedeonej wawan Abidán ofrendasninta apamorqa. Pay karqa Benjamín ayllumanta kuraj kaj kamachej.

⁶¹ Paypa ofrendan karqa uj qolqe ch'illami, pesarqataj waranqa tawa pachaj kinsa chunkayoj gramos. Chanta uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan tinkukuna toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

⁶² Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

⁶³ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁶⁴ Chanta uj cabra chivotawan apamorqa juchaspa cuentanmanta uj rikuchikuta jina jaywanampaj.

⁶⁵ Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna Gedeonej wawan Abidampa ofrendasnin karqa.

⁶⁶ Chunka kaj diapi Amisadaipa wawan Ahiezer ofrendasninta apamorqa. Pay karqa Dan ayllumanta kuraj kaj kamachej.

⁶⁷ Paypa ofrendan karqa uj qolqe ch'illami, pesarqataj waranqa tawa pachaj kinsa chunkayoj gramos. Chanta uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

⁶⁸ Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

⁶⁹ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁷⁰ Chanta uj chivotawan apamorqa juchaspa cuentanmanta uj rikuchikuta jina jaywanapaj.

⁷¹ Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna Amisadaipa wawan Ahiezerpa ofrendasnin karqa.

⁷² Chunka ujniyoj kaj diapi Ocrampa wawan Pagiel ofrendasninta apamorqa. Pay karqa Aser ayllumanta kuraj kaj kamachej.

⁷³ Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chanta uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan tinkukuna toldopi pesa churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

⁷⁴ Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

⁷⁵ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁷⁶ Chanta uj chivotawan apamorqa juchaspa cuentanmanta uj rikuchikuta jina jaywanapaj.

⁷⁷ Chay tukuykuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna Ocrampa wawan Pagielpa ofrendasnin karqa.

⁷⁸ Chunka iskayniyoj kaj diapi Enampa wawan Ahira ofrendasninta apamorqa. Pay karqa Neftalí ayllumanta kuraj kaj kamachej.

⁷⁹ Paypa ofrendasnin karqa uj qolqe ch'illami, pesarqataj waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan parlana toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñatusqa, ch'aki mikhuymanta ofrenda kanampaj.

⁸⁰ Chantapis qollarqataj qorimanta uj jatun cucharatawan inciensoyojta, pesarqataj pachaj chunkayoj gramos.

⁸¹ Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

⁸² Chanta uj chivotawan apamorqa juchaspa cuentanmanta uj rikuchikuta jina jaywanapaj.

⁸³ Chay tukukuytataj allinyakuy ofrendata jaywarqa iskay torosta, phishqa carnerosta, phishqa chivosta, uj watayoj phishqa corderostawan. Kaykuna Enampa wawan Ahiraj ofrendasnin karqa.

⁸⁴ Ajinata altar tukukojtin, Israel ayllusmanta kurajkunaqa chunka iskayniyoj qolqe ch'illamista t'aqaporqanku, chunka iskayniyoj qolqe yurusta, chunka iskayniyoj qori cucharastawan.

⁸⁵ Sapa qolqe ch'illami pesarqa waranqa tawa pachaj kinsa chunkayoj gramos; sapa qolqe yuru pesarqa qanchis pachaj qanchis chunkayoj gramos, tukuynimpi karqanku iskay chunka sojtayoj waranqa tawa pachajniyoj gramos, Dioswan tinkukuna toldopi peso churasqa kasqanman jina.

⁸⁶ Inciensosniyoj chunka iskayniyoj qori kucharas karqanku. Sapa ujtaj pesarqanku pachaj chunkayoj gramos, Dioswan tinkukuna toldopi peso churasqa kasqanman jina, tukuynimpi pesarqanku waranqa kinsa pachaj iskay chunkayoj gramos.

⁸⁷ Ruphachinapaj tukuynin animalesqa karqanku chunka iskayniyoj waka uñas; chunka iskayniyoj carneros, uj watayojkama chunka iskayniyoj corderos, ch'aki mikhunamanta ofrendasninwankama, chunka iskayniyoj chivos ima, juchaspa cuentanmanta jaywanapaj.

⁸⁸ Allinyakuy ofrendastaj tukuynimpi karqanku iskay chunka tawayoj waka uñas, sojta chunka carneros, sojta chunka cabra chivos, uj watayojkama sojta chunka corderos ima. Kay rikuchikusqa karqa Señorman altarta t'aqapunapaj imaynachus kasqanman jina jawiytawan.

⁸⁹ Dioswan tinkukuna toldopi Dioswan parlanampaj yaykuytawan Moisesqa, Señorpa parlamusqanta uyarerqa, Diospa leyninwan kasharqa chay cajompa kirpanan patapi, querubinespa chaupinmanta. Ajinata Señorqa chaypi paywan parlarqa.