Biblia Todo Logo
Bìoball air-loidhne

- Sanasan -

Números 33 - Qheshwa Biblia DC


Israelitaspa jarakusqasninku Egiptomanta Moabkama

1 Kaykuna karqanku israelitaspa jarakusqasninku, Egiptomanta llojsimusqankumantapacha, soldados jina. Paykunatataj pusarqanku Moiseswan Aaronwan.

2 Moisesqa chay maykunapichus jarakorqanku chay cheqasta escriberqa kaymanta jaqayman purisqasninkuta. Kaykuna kanku chay cheqaspa sutisnin:

3 Israelitasqa Ramsesmanta purirerqanku ñaupaj kaj killapi chunka phishqayoj p'unchaypi, pascua mikhuyta mikhusqanku chay q'ayantin. Chaypacha paykunaqa may wapus tukuy enemigospa qhawananta llojserqanku.

4 Chaykamataj egipciosqa tukuy kuraj kaj wawasninkuta Señor wañuracherqa, chaykunata p'ampasharqanku, chantapis Señorqa tukuy dioskunasninkutawan chinkachinanta nillarqataj.

5 Israelitasqa Ramsesmanta llojsispa Sucotpi jarakorqanku.

6 Sucotmanta llojsispa Etampi jarakorqanku, ch'in pampaj tukukuynimpi.

7 Etammanta rispa muyuykorqanku Pi-hahirot chaynejman, Baal-zefompa inti llojsimuyninnejman, jarakorqankutaj Migdolpa chimpampi.

8 Pi-hahirotmanta rerqanku. Mar qochata chimpaytawantaj ch'in pampaman chayaspa, kinsa p'unchayta riytawan Marapi jarakorqanku.

9 Maramanta rispa Elimpi jarakorqanku. Chaypitaj karqa chunka iskayniyoj yaku juturis, qanchis chunka palma sach'as ima.

10 Elimmanta rispa Puka mar qocha cantopi jarakorqanku.

11 Puka mar qochamanta rispa ch'in pampa Simpi jarakorqanku.

12 Ch'in pampa Sinmanta rispa Dofcapi jarakorqanku.

13 Dofcamanta rispa Aluspi jarakorqanku.

14 Alusmanta rispa Refidimpi jarakorqanku, chaypitaj ujyanankupaj mana yaku karqachu.

15 Refidinmanta rispa Sinaí ch'in pampapi jarakorqanku.

16 Sinaimanta rispa Kibrot-hataavapi jarakorqanku.

17 Kibrot-haatavamanta rispa Hazerotpi jarakorqanku.

18 Hacerotmanta rispa Ritmapi jarakorqanku.

19 Ritmamanta rispa Rimon-perespi jarakorqanku.

20 Rimon-peresmanta rispa Libnapi jarakorqanku.

21 Libnamanta rispa Rissapi jarakorqanku.

22 Rissamanta rispa Ceelatapi jarakorqanku.

23 Ceelatamanta rispa Sefer orqopi jarakorqanku.

24 Sefer orqomanta rispa Haradapi jarakorqanku.

25 Haradamanta rispa Macelotpi jarakorqanku.

26 Macelotmanta rispa Tahatpi jarakorqanku.

27 Tahatmanta rispa Tarapi jarakorqanku.

28 Taramanta rispa Mitcapi jarakorqanku.

29 Mitcamanta rispa Hasmonapi jarakorqanku.

30 Hasmonamanta rispa Moserotpi jarakorqanku.

31 Moserotmanta rispa Bene-jaacampi jarakorqanku.

32 Bene-jaacanmanta rispa Gidgad orqopi jarakorqanku.

33 Gidgad orqomanta rispa Jotbatapi jarakorqanku.

34 Jotbatamanta rispa Abronapi jarakorqanku.

35 Abronamanta rispa Ezionn-geberpi jarakorqanku.

36 Ezion-gebermanta rispa Zin ch'in pampa Cades nisqapi jarakorqanku.

37 Cadesmanta rispa Hor nisqa orqo kinraypi jarakorqanku. Chayqa Edomwan tinkuynimpi karqa.

38 Señorpa kamachisqanman jina Aaronqa Hor nisqa orqoman wicharerqa, chaypitaj wañuporqa, tawa chunka watapi phishqa kaj killapi qallarikuy diapi. Chayqa yupakorqa israelitas Egiptomanta llojsimusqankumantapacha p'unchaymantapacha.

39 Aaronqa chay Hor nisqa orqopi wañuporqa pachaj iskay chunka kinsayoj watasniyoj kashaspa.

40 Aradmanta rey cananeo chaypacha Neguevpi tiyasharqa Canaán jallp'api; paytaj yacharqa israelitas chaynejman chayamusqankuta.

41 Hor nisqa orqo kinraymanta rispa Zalmonapi jarakorqanku.

42 Zalmonamanta rispa Punompi jarakorqanku.

43 Punomanta rispa Obotpi jarakorqanku.

44 Obotmanta rispa Ije-abarimpi jarakorqanku, Moab jallp'awan tinkuypi.

45 Ije-abarinmanta rispa Dibon-gadpi jarakorqanku.

46 Dibon-gadmanta rispa Almon-diblataimpi jarakorqanku.

47 Almon-diblataimmanta rispa Abarim orqonejpi jarakorqanku Nebo inti llojsimuynejpi.

48 Abarinmanta rispa Moab pampaspi jarakorqanku Jordán mayoj cantompi, Jericó llajtaj chimpampi.

49 Jarasninkoqa karqa Jordán mayu cantopi Bet-jesimotmanta Abel-sitimkama Moab pampasnejpi.


Canaán jallp'ata rak'inakunku

50 Jordán mayu cantopi Moab pampaspi kashajtinku, Jericó llajtaj chimpampi Señorqa Moisesman parlarqa:

51-52 Israelpa wawasninman kay jinata niy: Jordán mayuta chimpaspa Canaán jallp'aman yaykuspaqa, tukuy chaypi tiyakojkunata qharqoychej, t'unaychejtaj tukuy rumimanta ruwasqa lantisninkuta, fierromanta unuyachispa ruwasqasta, ima lomaspichus lantisninkuta yupaychanasninkutawan.

53 Chay jallp'aspi tiyakojkunata qharqoychej, qankunataj chaypi tiyakuychej, noqa qoykichej chay jallp'asta chaypi tiyakunaykichejpaj.

54 Chay jallp'atataj rak'inakunkichej suerteta choqaspa, sapa ayllupi mashkhachus kasqaykichejman jina. Jatun ayllumanqa jatullantataj qonkichej, pisi ayllumantaj pisillatataj qonkichej. Chaykunataj jap'enqanku maynejpichus suerte urmasqanman jina.

55 Sichus qankuna chay runasta mana qharqonkichejchu chayqa, chay qhepakojkuna k'aspi jina t'ojsisonqachej ñawisniykichejpi, qhepu jinataj ukhusniykichejpi. Qankuna chay jallp'aspi tiyakusqaykichejmanta, chay jallp'api tiyakushajtiykichej paykuna llakichisonqachej.

56 Noqa qankunawan ruwasaj, imaynatachus paykunawan ruwayta yuyarqani chayman jina.

Qheshwa Biblia DC © Sociedades Bíblicas Unidas, 1986.

United Bible Societies
Lean sinn:



Sanasan