Jonás 2 - Qheshwa Biblia DC

Jonasqa Diosmanta mañakun

^1-2 Jinamanta Jonasqa challwaj wijsan ukhupi Señor Diosninmanta mañakorqa, kay jinata: May llakiyniypi qhaparikamorqayki qanman Señorníy, qantaj uyariwanki. Wañuy ukhumanta qhaparikamorqayki, qantaj uyarimuwarqanki.

³ Mar qocha ukhuman wijch'uykuwarqanki, yakutaj ukhuman chinkaykuchiwan, chay chhika yaku oqharikojkunata kachamusqaykitaj patayta pasarqanku.

⁴ Ñaupaqeykimanta wijch'usqa rikukorqani; yuyarqanitaj manaña llimphuchasqa temploykita rikunayta.

⁵ Yakusqa kunkaykama chayamuwarqanku; qocha laqha ukhumantaj chinkaykuni; yaku qhorastaj umayman ch'ipaykukunku.

⁶ P'ultiykukuni orqospa pampankama; jallp'a lleqhestaj patayman tiyaykamuwanku wiñaynintimpaj. Qantaj, Señor Diosníy, kausayniyta orqhonki wañuymanta.

⁷ Wañusqa jinaña rikukuspa qanmanta Señor yuyarikorqayki; mañakususqaytaj qanman chayamusorqa ajllasqa temploykikama.

⁸ Lantista qhatejkunaqa, qanman kutisqa kayta qonqapunku.

⁹ Noqaqa agradecekuspa rikuchikusta jaywakusqayki; imatachus qosqayki nisusqayta jaywasqayki. Salvacionqa Señorpatamin.

¹⁰ Chay qhepata Señorqa kamacherqa chay jatun challwa yaku cantoman Jonasta lanzarparimunanta.