Job 25 - Qheshwa Biblia DC

Bildadqa nin runa mana llimphuchasqa kasqanta Bildad

¹ Suamanta Bildadqa kutichispa nerqa:

² Diosqa manchay jatun atiyniyoj, manchachikunataj; Payqa janaj pachapi sonqo tiyakuyninta sayachin.

³ Soldadosnenqa mana yupay atina, k'anchaynenqa tukuypaj k'anchamun.

⁴ Runaqa atinmanchu mana juchayoj, llimphu ch'uyataj kayta Diospa ñaupaqempi? Imaynatataj uj warmimanta nacejqa llimphu kayta atinmanri?

⁵ Diospa ñawinmantaqa ni killapis sumajta k'anchayta atinchu, nitaj qoyllurkunapis llimphus kayta atinkuchu.

⁶ Chaychus uj khuru jina runaqa llimphu kayta atinman, runaj wawan khurullataj.