Jeremías 45 - Qheshwa Biblia DC

Señorqa Baructa kusichin

^1-3 Josiaspa wawan, Judamanta rey Joacim, tawa watastaña kamachishajtin, Neriaspa wawan Baruc profeta Jeremiaspa parlasqanta qelqashajtin Jeremiasqa Barucman nerqa: Israelpa Señor Diosnin qanman nisunki, Baruc: Qan ninki: Ay noqamanta, Señorqa nanaykunasta, llakiykunasllatataj qowan. Sayk'usqaña kashani, manataj samakuyta atinichu.

⁴ Ajinata nin Señorqa, qanta niyki: Sayachisqayta noqa urmachini, plantasqaytataj t'irani. Ajinallatataj ruwasaj tukuy jallp'api kajkunawan.

⁵ Qampajqa may jatun k'acha imastachu mañakunki? Ama mañaychu. Noqa tukuy runaspa patanman ñak'ariykunasta apachimusaj, kausayniyoj qhepakunaykita saqesqayki maymampis risqaykipi. Noqa Señor chayta nini.