Biblia Todo Logo
Bìoball air-loidhne

- Sanasan -

Jeremías 39 - Qheshwa Biblia DC


Jerusalempa urmaynin

1 Judamanta rey Sedequías, isq'on watastaña kamachishajtin chunka kaj killampi, Babiloniamanta rey Nabucodonosor tukuy soldadosninwan Jerusalempa contrampi jamuspa muyuykorqanku.

2 Isq'on kaj p'unchaypi, tawa kaj killapi rey Sedequías chunka ujniyoj watastaña kamachishajtin enemigo soldadosqa perqata jusk'uspa llajtaman yaykuykorqanku.

3 Babiloniamanta reypa tukuy kurajkunasnimpis yaykuykullarqankutaj, chaupipi kaj punkupitaj jaraykukorqanku. Chaykunataj karqanku, Nergal-sarezer, Sangar-nebo, Sarsequim, reywan llank'aj runa, chay uj Nergal-sarezer reypa yanapajnillantaj karqa.

4 Rey Sedequías, chanta soldadosnimpis chay tukuy imas kajta rikuytawan chay llajtamanta ayqekorqanku, reypa huertan chaynejta, iskaynin perqas chaupipi punku kasharqa chayninta ch'isin llojsispa, Jordán valleman rej ñanninta jap'irerqanku.

5-6 Caldeospa soldadosnintaj Sedequiasta qhatiykorqanku, Jericó pampanejpitaj tariparqanku. Jap'ispataj rey Nabucodonosorpa ñaupaqenman aparqanku. Pay kasharqa Hamat nisqa chay jallp'api Ribla llajtapi. Chaypi Nabucodonosorqa imatachus ruwananta qelqacherqa: Sedequiaspa ñaupaqempi wawasninta qholucherqa, jinallatataj Judamanta kaj sumachaj runasnintapis.

7 Sedequiaspa ñawisninta orqhocherqa, cadenaswantaj ch'ipaykucherqa Babiloniaman apanankupaj.

8 Caldeosqa reypa palacionman ninata jap'iykucherqanku, jinallataj llajtapi wasismampis, Jerusalempa perqasnintapis thuñirarqanku.

9 Qhepatataj Nabuzaradán reypa soldadosninta kamachej runa Babiloniaman apacherqa llajtapi qhepakojkunata, jinallataj caldeosman chimpajkunatapis.

10 Judá jallp'allampi saqerparerqa chay allin wajchasnin kajta, mana ni imayoj kajkunata, chay p'unchaypitaj uvas huertasta, tarpuna jallp'asta ima qorarqa.


Jeremiasqa kacharisqa

11 Babiloniamanta rey Nabucodonosor, soldadosta kamachej Nabuzaradanman kamacherqa. Payman qorqa kay kamachiyta Jeremiaswan imatachus ruwananta:

12 Qampa makisniykipi waqaychasqa kachun, ama ima sajratapis payta ruwaychu, manachayqa tukuy mañakususqanta ruway, qoytaj.

13-14 Chaypacha Nabuzaradán, Nabuzasbán nisqawan, jinataj Nergal-sarezerwan, chanta tukuy reywan khuska llank'ajkunas karqanku, chantá Babiloniamanta reypa tukuy kurajkunasnin ima kacharqanku, soldados Jeremiasta carcelpa pationmanta orqhomunankuta. Ahicampa wawan, Safampa allchhin Gedaliasmantaj nerqanku waqaychananta, wasinmantaj pusananta. Jinamanta Jeremiasqa ayllu ukhupi kausakunampaj qhepakorqa.


Ebed-melecpa t'inkachikun

15-16 Jeremías cárcel patiollampiraj kashajtin Señorqa payman nerqa: Rispa nimuy etiope Ebed-melecman: Israelpa Tukuy Atiyniyoj Señor Diosnin nin: Kay llajtaman ñak'ariykunata, manataj allin kaynimpajchu nisqayta junt'asaj. Kay imasta rikunaykita junt'akonqa.

17 Chaywampis noqa waqaychasqayki qan manchachikunki chay runaspa makinman ama urmanaykipaj. Noqa Señor chayta niyki.

18 Wañuchinasunkumanta noqa waqaychasqayki, imaraykuchus kausashaj qhepakunki noqapi atienekusqaykirayku. Noqa Señor chayta nini.

Qheshwa Biblia DC © Sociedades Bíblicas Unidas, 1986.

United Bible Societies
Lean sinn:



Sanasan