Isaías 20 - Qheshwa Biblia DC

Asiriaqa Egiptota Etiopiatawan atipanqa

¹ Asiria rey Sargonqa uj kamachinta Asdod llajtaman kacharqa. Chaypacha Asdod llajtata atispa jap'ikaporqa.

² Chaypacha Señorqa Amospa wawan Isaiasman parlarqa: Chay qhashqa p'achaykita lluch'ukuy, jinallataj chakiykimanta ujut'asniykitapis, nispa. Isaiastaj ajinata ruwarqa, mana ujut'ayoj, q'alallataj karqa.

³ Chantá Señorqa nerqa: Kamachiy Isaiasqa kinsa wata junt'ata q'alalla, mana ujut'ayojtaj purerqa, Egiptopaj Etiopiapajwan imachus kananta rikuchispa.

⁴ Ajinata Asiria reyqa, Egiptopi kajkunatawan, Etiopiapi kajkunatawan, wayna runasta, jinataj machu runastawan q'alasllata apachenqa, mana ujut'asniyojta, q'ara sikispachata, Egipto p'enqakunampaj jina.

⁵ Etiopiapi suyajkuna jinallataj Egiptopipis atienekojkuna mancharikonqanku t'ukonqankutaj.

⁶ Chaypacha chay mar qocha cantospi tiyakojkuna nenqanku: Qhawariychej atienekusqanchej nación imapichus rikhurisqanta, ima mana allin kajtimpis payman qayllakoj kanchej, Asiria reymanta jark'anawanchejpaj. Kunanqa imaynallatataj ayqekusunri?