Génesis 36 - Qheshwa Biblia DC

Esauj miraynin

¹ Kaykuna kanku Esauj miraynin, chaytaj Edóm.

² Esauqa casararqa Canaán warmiswan: Hitita Edompa wawan Adawan, Anaj wawan Aholibamawan, mayqenchus karqa heveo Zibeoj allchhin.

³ Chaymantaqa Ismaelpa Ismaelpa wawan Basematwan, mayqenchus Nebaiotpa panan karqa.

⁴ Esauj wawan Adapi kajqa Elifaz karqa; Basematpitaj Reuel karqa.

⁵ Aholibamatpitaj karqa Jeús, Jaalam, Corewan. Kaykuna karqanku Esauj wawasnin Canaampi tiyashajtin kajkuna.

⁶ Esauqa wauqen Jacobmanta tumpata karunchakunampaj riporqa waj cheqaman, warmisninta, churisninta, ususisninta, pikunachus paywan tiyakorqanku chaykunatawan pusarikuspa. Jinallataj tukuy uywasninta, imasninchus Canaampi tiyakushajtin tiyaporqa chaykunatawan.

⁷ Imarayuchus iskayninku ashkha uywasniyoj karqanku, chayrayku manaña iskaynin aterqankuchu khuska tiyakuyta. Chaynejta chay jallp'aqa pisiparqa uywasninkuta michinankupaj.

⁸ Chayrayku Esauqa, chayrí Edomqa Seir orqoman tiyakoj riporqa.

⁹ Kaykuna kanku Esauj miraynin, edomitaspa ñaupa tatasnin, mayqenkunachus Seir orqospi tiyakorqanku.

¹⁰ Kaykuna kanku Esauj wawasnimpa sutisnin: Adaj wawan Elifaz, Basematpa wawan Reuel.

¹¹ Elifazpa wawasnin karqanku, Temán, Omar, Zefo, Gatam, Cenazwan.

¹² Elifazpa tanta warmin karqa Timna nisqa. Pay uj qhari wawata rejserqa Elifazpaj, sutintaj karqa Amalec. Kaykuna karqanku Esaujpa miraynin Ada warminnejta.

¹³ Reuelpa wawasnintaj karqanku Nahat, Zera, Sama, Miza ima. Kaykuna karqanku Esauj ujnin kaj warmin Basematpa miraynin.

¹⁴ Esauj ujnin kaj warmin Aholibamaj wawasnin karqanku Jeús, Jaalam, Corewan ima. Chay warmi karqa Anaj wawan Zibeompa allchhin.

^15-16 Esauj mirayninmanta kurajkuna ajllaspa churasqas karqanku: Elifazpa mirayninmanta, mayqenchus Esauj kuraj wawan karqa. Chay kurajkunaqa kaykuna: Temán, Omar, Zefo, Cenaz, Coré, Gatam, Amalecwan. Chaykuna karqanku Adaj miraynin.

¹⁷ Esauj wawan Reuelpa wawasnin kaykuna karqanku kurajkunapaj ajllasqas: Nahat, Zera, Sama, Miza ima. Kaykuna karqanku Reuelpa mirayninmanta kurajkunapaj ajllasqas Edom jallp'api, paykuna karqanku Esauj miraynin, Basematpa miraynin.

¹⁸ Esauj ujnin kaj warmin Anaj wawan Aholibamaj wawasnin kurajkunapaj ajllasqas karqanku kaykuna: Jeús, Jaalam, Corewan.

¹⁹ Chay tukuyninku karqanku Edom Esauj miraynin, sapa ayllusninkupi kurajkunapaj ajllasqas.

Seirpa miraynin

^20-21 Kaykuna karqanku horeo Seirpa wawasnin, chay jallp'api tiyakojkuna: Lotán, Sobal, Zibeón, Ana, Disón, Ezer, Disán ima. Paykuna karqanku heteo Seirpa mirayninmanta Edom jallp'api.

²² Lotampa wawasnintaj karqanku Horiwan, Hemanwan. Lotampa panan karqa Timna.

²³ Sobalpa wawasnintaj karqanku, Alván, Manahat, Ebal, Sefo, Onanwan.

²⁴ Zibeompa wawasnintaj Ajawan, Anawan karqanku. Aná yaku juturista tarerqa ch'in pampapi, Zibeón tatampa burrosninta michishaspa.

²⁵ Anajta uj wawan tiyaporqa Disón nisqa, ususintaj Aholibama nisqa.

²⁶ Disompa wawasnin karqanku Hemdán, Esbán, Itrán, Queranwan.

²⁷ Ezerpa wawasnintaj karqanku Bilhán, Zaaván, Acanwan.

²⁸ Disampa wawasnintaj karqanku Uzwan, Aranwan.

^29-30 Kurajkuna Horeos karqanku Lotán, Sobal, Zibeón, Aná, Disón, Ezer, Disanwan. Paykuna karqanku horeospa kurajkunasninku sapa ayllupi Seirpa jallp'ampi.

Edom reyes

³¹ Kay reyes Edom jallp'api kamacherqanku, israelitas manaraj reyesniyoj kashajtinku:

³² Bela, Beorpa wawan karqa; mayqenchus Edompi rey karqa, llajtantaj Dinaba nisqa karqa.

³³ Bela wañupojtintaj Zeraj wawan Jobab kamacherqa, pay karqa Bosra juch'uy llajtamanta.

³⁴ Jobab wañupojtintaj, Temanmanta Husam kamacherqa.

³⁵ Husam wañupojtintaj Avit llajtamanta Bedadpa wawan Hadad kamacherqa. Pay Moadpi Madianta atiparqa.

³⁶ Hadad wañupojtintaj Masreca llajtamanta Samla kamacherqa.

³⁷ Samla wañupojtintaj mayu cantopi Rehobot llajtamanta Saúl kamacherqa.

³⁸ Saúl wañupojtintaj Acborpa wawan Baal-hanán kamacherqa.

³⁹ Baal-hanán wañupojtintaj Pau llajtamanta Hadar kamacherqa. Hadarpa warmintaj karqa Mehetabel, Matredpa wawan Mezaabpa allchhin.

^40-43 Kaykuna karqanku Esauj mirayninmanta kurajkunapaj ajllasqas, sapa aylluspi, sapa cheqapi, sutisninkutaj kaykuna: Timna, Alva, Jetet, Aholibama, Ela, Pinón, Cenaz, Temán, Mibzar, Magdiel, Iram ima. Esauj ujnin kaj sutenqa karqa Edom. Kay kurajkunaqa karqanku Edom jallp'api kamachejkuna, mayqenkunapichus tiyakorqanku chaykunapi, sapa ayllusninku ukhupi. Paymanta jamunku Edomitasqa.