Génesis 10 - Qheshwa Biblia DC

Noepa miraynin

¹ Kaykuna karqanku Noepa wawasnimpa miraynin Sempata, Campata, Jafetpatawan, jatun musphay paramanta qhepaman.

² Jafetpata wawasnin karqanku: Gomer, Magog, Madai, Javán, Tubal, Mesec, Tiras ima.

³ Gomerpa wawasnintaj karqanku: Askenaz, Rifat, Togarmawan.

⁴ Jawampa wawasnintaj karqanku: Elisa, Tarsis, Quitim, Rodanimwan.

⁵ Kaykuna karqanku Jafetpa mirayninmanta kajkuna. Sapa nación, sapa familia kikin jallp'ankupikama, kikin parlayninkuwantaj. Paykuna junt'aykorqanku mar qochaj cantosninman.

⁶ Campa wawasnintaj karqanku: Cus, Mizraim, Fut, Canaanwan.

⁷ Cuspa wawasnintaj karqanku: Seba, Havila, Sabta, Raama, Sabtecawan. Raamaj wawasnintaj karqanku Seba, Dedanwan.

⁸ Cuspa wawantaj karqa Nimrod. Pay karqa ni pipis atiyniyoj kashajtin may atiyniyoj chay jallp'api.

⁹ Nimrodqa wapu karqa Señorpa ñaupaqempi monte animalesta jap'inampaj. Chaymanta jamun chay niy: Nimrod jina wapu, Señorpa ñaupaqempi animalesta jap'ej, nisqa.

¹⁰ Kamachiskasninku llajtasqa karqanku Sinar jallp'api: Babel, Erec, Acad, Calnewan.

^11-12 Chay jallp'amanta llojserqa Asur, ruwarqataj llajtasta: Niniveta, Rehobota, Calata, Resén jatun llajtatawan; chaytaj kashan Ninivewan Calawan chaupipi.

^13-14 Mizraimpa mirayninmanta karqanku: ludeos, anameos, lehabitas, naftuhítas, patruseos, casluhítas, caftoritas, mayqenkunamantachus karqanku filisteos.

¹⁵ Canaampa kuraj kaj wawan karqa: Sidón, ujnin kajtaj Het.

^16-18 Chantaqa wawasnillantaj karqanku: Jebuseos, amorreos, gergeseos, heveos, araceos, arvadeos, zemareos, hamateoswan. Chay qhepata tukuynin Canaán ayllus tukuynejman ch'eqeraporqanku.

¹⁹ Cananeospa jallp'anku karqa Sidonmantapacha Gerarnejmanta Gaza llajtakama; chaymantaqa Sodoma, Gomorra llajtasnejmanta, Adma, Zeboimnejmanta Lasa llajtakama.

²⁰ Chaykuna karqanku Campa miraynenqa, sapa ayllu kikin jallp'ankupi, kikin parlayninkuwantaj.

²¹ Jafetpa kurajnin wauqen Sempa wawasnin kallarqankutaj. Heberpa wawasnin tukuynin paypa mirayninmanta karqanku.

²² Sempa wawasnin karqanku: Elam, Asur, Arfaxad, Lud, Aram ima.

²³ Arampa wawasnintaj karqanku: Uz, Hul, Geter, Mas ima.

²⁴ Arfaxad karqa Salaj tatan. Salataj Heberpa tatan karqa.

²⁵ Chaymanta Heberpatapis iskay wawasnin kallarqataj, ujnin kajpa sutin karqa Peleg; imaraykuchus chay tiempopi runas jallp'amanta t'aqakorqanku. Pelegpa sullk'a wauqenqa karqa Joctán.

^26-29 Joctan karqa Almodadpa tatan, chanta Selefpata, Hazar-mavetpata, Jerajpatawan tatan. Adorampata, Uzalpata, Diclajta, Obalpata, Abimaelpata, Sebajta, Ofirpata, Havilajta, Jobabpatawan. Chay tukuynin karqanku Joctampa wawasnin.

^30-31 Paykuna tiyakorqanku chay jallp'aqa karqa Mesamanta Sefarkama, sapa llajta, sapa ayllu kikin jallp'ankupi, kikin parlayninkuwantaj.

³² Chaykuna karqa Noepa miraynin, imayna aylluchus kasqankuman jina, imayna jallp'apitajchus kasqankuman jinataj. Jatun musphay paraj qhepanta t'aqakorqanku jatuchaj nacionesta kay mundopi tukuynejpi ruwanankupaj.