Ester (hebreo) 10 - Qheshwa Biblia DC

Mardoqueota jatunchanku

¹ Rey Asueroqa kamacherqa impuestota qonankuta tukuy naciones jallp'aspi kajkuna, jinallataj mar qocha churuspi tiyakojkunapis.

² Rey kashaspa tukuy atiyninwan ruwasqasnin Mardoqueota imaynamantachus jatunchasqasnin ima, reyespa librompi qelqasqa kashan Mediamantawan, Persiamantawan.

³ Mardoqueo judío atiypeqa rey Asueroj qhepampi karqa. Mardoqueoqa chaypacha may mentasqa karqa tukuy judiospaj, jinallataj tukuy llajta masisnimpajpis. Payqa ayllumpa allinninta mask'arqa, ruwarqataj llajta masisnin allimpi k'achata tiyakunankupaj.