1 Crónicas 7 - Qheshwa Biblia DC

Isacarpa mirayninmanta kajkuna

¹ Isacarpa wawasnenqa tawa karqanku: Tola, Fua, Jasub, Simrón ima.

² Tolaj wawasnintaj karqanku: Uzi, Refaías, Jeriel, Jahmai, Jibsam, Semuel ima. Paykunaqa Tolaj ayllunmanta kurajkuna karqanku, jinataj sumaj wapu maqanakojkuna karqanku ñaupa ayllusninkumantapacha. Davidpa tiemposnimpeqa Isacarpa ayllusninmantaqa tukuypi karqanku iskay chunka iskayniyoj waranqa sojta pachajniyoj.

³ Uzej wawanqa Israhías karqa. Israhiaspa wawasnintaj karqanku: Micael, Obadías, Joel, Isías ima. Tukuyninkupi phishqa kamachejkuna karqanku.

⁴ Imaraykuchus ashkha warmisniyoj wawasniyojtaj karqanku, tatasninkoj wasi ayllusninkuman, jinataj kinsa chunka sojtayoj waranqa runas maqanakuman rinankupaj jina.

⁵ Isacarpa tukuynin wasi aylluspa sutisnin libroman qelqasqa kasqankuman jinaqa, tukuypi pusaj chunka qanchisniyoj waranqa sumachaj wapu runas maqanakupaj karqanku.

Benjamimpa mirayninmanta kajkuna

⁶ Benjamimpa wawasnenqa kinsa karqanku: Bela, Bequer, Jediael ima.

⁷ Belaj wawasnintaj phishqa karqanku: Esbón, Uzi, Usiel, Jerimot, Iri ima. Tukuy chaykunaqa ayllusninkupi kamachejkuna karqanku, jinataj may wapu maqanakojkuna. Chay sutisninkuta qelqasqasninkuman jinaqa tukuypi iskay chunka iskayniyoj waranqa kinsa chunka tawayoj karqanku.

⁸ Bequerpa wawasnintaj karqanku: Semira, Joas, Eliezer, Elioenai, Omri, Jerimot, Abías, Anatot, Alamet ima. Tukuy kaykuna Bequerpa wawasnin karqanku.

⁹ Libroman sutisninkuta qelqachikusqankuman jina, ayllusninkumanta, jinataj wasi ayllusmanta kurajkunasninkupiwan tukuypi iskay chunka waranqa iskay pachajniyoj wapu runas karqanku.

¹⁰ Jidiaelpa wawanqa Bilhán karqa. Bilhampa wawasnintaj karqanku: Jeús, Benjamín, Aod, Quenaana, Zetán, Tarsis, Ahisahar ima.

¹¹ Tukuy kaykunaqa Jediaelpa mirayninmanta karqanku, paykunaqa ayllusninkupi kamachejkuna karqanku, jinataj wapu runas maqanakojkuna rinankupaj jina karqanku. Tukuypi karqanku chunka qanchisniyoj waranqa iskay pachajniyoj runas.

¹² Hirpa wawasnenqa karqanku: Sufamwan, Hufamwan, Aherpa wawantaj Husim karqa.

Neftaléj mirayninmanta kajkuna

¹³ Neftaléj wawasnintaj karqanku: Jahzeel, Guni, Jezer, Salum ima. Kaykunaqa Bilhaj mirayninmanta kajkuna karqanku.

Manasespa mirayninmanta kajkuna

¹⁴ Manasespa wawasnin, chay Siriamanta kaj tanta warmimpeqa karqanku: Asrielwan, Maquirwan. Payqa Galaadpa tatan karqa.

¹⁵ Maquirqa Maacawan casarakorqa, payqa Hufampata, Sufampatawan ayllusmanta karqa. Maquirpa iskay kaj wawantaj Zelofehad sutiyoj karqa. Payqa warmi wawasniyojlla karqa.

¹⁶ Maquirpa warmin Maacataj uj qhari wawata onqokorqa. Chaytataj suticharqa Peresta. Perespa wauqentaj Seres sutiyoj karqa. Paypa qhari wawasnintaj Ulamwan, Requemwan karqanku.

¹⁷ Ulampa wawanqa Bedán karqa. Kaykunataj Galaadpa wawasnin karqanku. Paytaj Maquirpa wawan karqa, paytaj Manasespata.

¹⁸ Maquirpa hermanantaj Hamolequet karqa. Paypa wawasnintaj karqanku: Isod, Abieser, Mahala ima.

¹⁹ Semidaj wawasnintaj karqanku: Ahían, Siquem, Likhi, Aniam ima.

Efraímpa mirayninmanta kajkuna

²⁰ Efraímpa mirayninmanta kajkunataj karqanku: Wawan Sutela, paypa wawantaj Bered, paypa wawantaj Zahat, paypa wawantaj Elada.

²¹ Eladaj wawantaj Zahad. Paypa wawantaj Sutela. Uj wawasnin Eserta, Eladatawanqa Gatpi tiyakojkuna wañucherqanku, uywasninta qhechoj uraykusqankurayku.

²² Tatanku Efraintaj unayta llakiy p'achata churakorqa, ayllusnintaj payta sonqochaj jamorqanku.

²³ Chaymantataj Maquirwan puñukorqa. Chay warmintaj wijsallikuspa uj qhari wawata nacechikorqa, chay wawatataj Beriata suticharqa, wasin ayllupi llakiy kasqanrayku.

²⁴ Beríaj warmi wawan Zierata jataricherqa ura kaj Bethoronta, jinataj pata kaj Bet-horontapis jatarichillarqataj Uzen-seeratapis.

²⁵ Beríaj mirayninmanta kajkunataj karqanku: Wawan Refa, paypatataj Resef, paypatataj Telah, paypatataj Tahán.

²⁶ Tahampa wawantaj Laadán, paypatataj Amiud, paypatataj Elisama.

²⁷ Elisamaj wawantaj Nun, paypatataj Josué.

²⁸ Jallp'asninku, tiyakunanku cheqastaj karqa: Betel, Naarán, inti llojsimuynejman jina. Inti yaykuynejmantaj karqanku: Gezer, chanta Siquem nisqamanta Ayahkama, kay sapa llajtasqa ranchosnintimpiwan karqanku.

²⁹ Manasespa mirayninmanta kajkunaqa jap'ikaporqanku Bet-seanta, Taanacta, Meguidota, Dorta, sapa llajtata ranchosnintinta. Kay llajtaspi tiyakorqanku chaykunaqa Israelpa wawan Josejpa mirayninmanta kajkuna karqanku.

Aserpa mirayninmanta kajkuna

³⁰ Aserpa wawasnintaj karqanku: Imna, Isuá, Isui, Bería, hermananku Sera ima.

³¹ Beríaj wawasnintaj karqanku: Heber, Malquiel ima. Malquielqa Birzavitpa tatan karqa.

³² Heberqa Jafletpa tatan karqa, chayta Somerpata, Hotampatawan. Suataj paykunaj hermananku karqa.

³³ Jafletpa wawasnintaj karqanku: Pasac, Bimhal, Asvat ima.

³⁴ Hermanon Somerpa wawasnintaj karqanku: Rohga, Jehúba, Aram ima.

³⁵ Hermanon Hotampa wawasnintaj karqanku: Zofa, Imna, Seles, Amal ima.

^36-37 Zofaj wawasnintaj karqanku: Súa, Hermefer, Sual, Beri, Imra, Beser, Hod, Sama, Silsa, Itrán, Beera ima.

³⁸ Jeterpa wawasnintaj karqanku: Jefone, Pispa, Ara ima.

³⁹ Ulaj wawasnintaj karqanku: Ara, Haniel, Rezia ima.

⁴⁰ Kaykunaqa tukuyninku Aserpa wawasninmanta karqanku. Paykunaqa wasi ayllusmanta kamachejkuna karqanku, jinataj aswan wapu soldadosmanta, chanta aswan sumachaj kaj wapu runasmanta karqanku. Sutisninkuta ayllusninkuman jina qelqachikusqasninkupeqa, tukuypi iskay chunka sojtayoj waranqa runas maqanakuman rinankupaj jina karqanku.