1 Crónicas 4 - Qheshwa Biblia DC

Judajpa mirayninmanta kajkuna

¹ Judáj wawasnintaj karqanku: Fares, Hezron, Carmi, Hur, Sobal ima.

² Sobalpa wawan Reaiasqa karqa. Paytaj Jahatpa tatan karqa. Jahatqa Ahumaipatawan Lahadpatawan tatanku karqa. Chaykunaqa zoratitaspa ayllusninku karqanku.

^3-4 Hurpa wawasnintaj karqanku: Etam, Jezreel, Isma, Idbas, Penuel ima. Paykunaj hermanankutaj Haze-lelpuni sutiyoj karqa. Penueltaj Gedorpatawan Eterpatawan tatanku karqa. Ezeitaj Husaj tatan karqa. Hurqa, Efrataj kuraj wawan karqa; chantá Belempa tatantaj karqa.

⁵ Tecoaj tatan Asurpataqa iskay warmisnin karqanku, Helawan, Naarwan.

⁶ Naarataj Ahuzampa maman karqa, Temenejta, Ahastarejtawan. Kaykuna Naaraj wawasnin karqanku.

⁷ Helaj wawasnintaj karqanku: Zeret, Jesoar, Etnán ima.

⁸ Costaj Anubpatawan, Zobebajtawan tatanku karqa. Chantá Harumpa wawan Aharhelpa miraynimpata ñaupa tatan karqa.

⁹ Jabesqa, hermanosninmanta aswan uyarisqa runa karqa, mamantaj Jabesta suticharqa: Cheqamanta nanaywan nacechikorqani, nispa.

¹⁰ Jabestaj mañakorqa Israelpa Diosninmanta kay jinata: Mañakuyki bendicionniykita qonawaykita, uj jatun jallp'atawan, yanaparinawaykita, tukuy sajra kajmantataj waqaychanawaykitataj, ama ima llakiypi kanaypaj. Diostaj qorqa chay imatachus mañakusqanta.

¹¹ Suaj hermanon Quelubtaj Mehirpa tatan karqa. Mehirtaj Estompa tatan karqa.

¹² Estontaj Bet-rafajta, Paseahjta, Tehinajtawan tatanku karqa. Payqa Nahas llajtata sayaricherqa. Kaykunaqa Reca llajtapi tiyakorqanku.

^13-14 Cenaspa wawasnintaj karqanku: Otonielwan, Seraiaswan. Otonielpa wawasnintaj karqanku: Hatatwan, Meonotaiwan. Payqa Ofraj tatan karqa. Serariastaj Joabpa tatan karqa, payqa Carisis vallepi tiyakojkunajpa ñaupa tatanku karqa. Paykunaqa tukuy imata ruwayta yachaj artesanos karqanku.

¹⁵ Jefonej wawan Calebpa wawsnintaj karqanku: Iru, Ela, Naam ima. Elaj wawantaj Cenaz karqa.

¹⁶ Jahaleelpa wawasnintaj karqanku: Zif, Zifa, Tirías, Asareel ima.

¹⁷ Esdraspa wawasnintaj karqanku: Jeter, Mered, Efer, Jalón ima. Meredqa faraompa wawan, Bitiawan casarakorqa, wawasnintaj karqanku: María, Samai, Estemoj tatan Isba ima.

¹⁸ Meredpata kapullarqataj uj warmin Judá ayllumanta. Payqa mamanku karqa: Gedorpa tatan Jeredpata, chantá Socojpa tatan Heberpata, jinataj Zanoajpa tatan Jecutielpatawan.

¹⁹ Hodiaspa warmimpa wawasnintaj karqanku: Keilaj tatan garmita nisqa, chantá Estemos, Maacateo ima. Hodiaspa warmenqa Nahampa hermanan karqa.

²⁰ Simompa wawasnintaj karqanku: Amnón, Rina, Ben-hanán, Tilón ima. Isej wawasnintaj karqanku: Zohetwan, Benzohetwan.

²¹ Judáj wawan Selaj mirayninmanta kajkunataj karqanku: Lecaj tatan Er, Maaresaj tatan Laada, jinataj Bet-asabea llajtapi linomanta imastachus ruwajkunaj ayllusninkupis.

²² Joacimpis, Cozebapi tiyakojkuna Joas, Saraf ima. Paykunataj moabitaswan rispa casarakamorqanku, chantá Belenman kutimporqanku, imaynatachus ñaupa qelqasqa willaykunapi willasqanman jina.

²³ Kaykunaqa t'urumanta kaj imasta ruwajkuna karqanku. Tiyakorqankutaj Netaimpi, Gederapiwan. Chanta paykunaqa reypa serviciompi karqanku.

Simeompa mirayninmanta kajkuna

²⁴ Simeompa wawasnintaj karqanku: Nemuel, Jamín, Jarib, Zera, Saul ima.

²⁵ Saulpa wawanqa Salum karqa. Paypa wawantaj Mibsan karqa, paypa wawantaj Misma karqa.

²⁶ Mismaj wawantaj Hanel. Paypatataj Zacur wawan karqa. Paypatataj Simei wawan karqa.

²⁷ Semeipata chunka sojtayoj qhari wawasnin karqanku. Warmi wawasnintaj sojta karqanku. Hermanosnintaj mana ashkha wawasniyojchu karqanku, jinamanta chay ayllusninkoqa mana Judáj ayllusnin jinapunichu mirarqanku.

^28-31 Paykunaqa tiyakorqanku Beersebapi, Moladapi, Hazar-sualpi, Bilhapi, Ezempi, Tolabpi, Betuelpi, Hormapi, Siclagpi, Bet-marcabotpi, Hazar-susimpi, Bet-biraipi, Saaraimpi ima. Kaykuna paykunaj llajtasninku karqa David kamachiyta qallarinankama.

³² Chay jawaqa phishqa llajtasniyojraj karqanku: Etán, Aín, Rimón, Toquén, Asán ima.

³³ Jinataj Baalatkama, kay llajtaspa qayllampi, kay ranchospiwan. Paykunaqa kay cheqaspi tiyakorqanku. Kaytaj ayllusninkumanta qelqasqa listaqa.

^34-35 Ayllusmanta kurajkuna karqanku: Mesobab, Jamlec, Josías, Amasiaspa wawan, Joel, Jehú. Paytaj Josibiaspa wawan karqa. Kaytaj Seraiaspata wawan karqa. Seraiastaj Asielpata wawan karqa.

^36-37 Chantá, Elioenai, Jaacoba, Jesohaía, Asaías, Adiel, Jesimiel, Benaía, Ziza, ima. Paytaj Sifej wawan karqa. Sifitaj Simrej wawan karqa. Simritaj Semaiaspata wawan karqa.

³⁸ Kaykuna, pischus sutisninkumanta oqharisqasña kajkunaqa ayllusmanta kurajkuna karqanku. Ayllusninkutaj may ashkhasman mirarqanku.

³⁹ Uywasninkupaj pastosta mask'aspa Gedón vallesmanta inti llojsimuynejkama chayamorqanku.

⁴⁰ Chaynejpitaj allin pastosta tarerqanku, sumaj q'omerta, ashkhatataj jatun jallp'ata mana piwampis ch'ajwanapaj jina, sumaj waqaychasqa cheqapi. Chaypitaj ñaupajtaqa Cam aylloj mirayninmanta kajkunaqa tiyakusqanku.

⁴¹ Judamanta rey Ezequiaspa tiempompitaj, kaykunaj sutisninkoqa qelqasqas karqanku. Chaykunaqa chaypi tiyakojkunata jamuspa wiñaypaj chinkaricherqanku, jarasninkuta wawasninkutawan khuska. Chaypitaj paykunaj cuentankumanta tiyakorqanku, uywasninkupaj pasto kasqanrayku.

⁴² Jinallataj, paykunamanta phishqa pachaj runas Simeompa mirayninmanta kajkuna Seir orqoman riporqanku, pusachikuspa Pelatiaswan, Neariaswan, Refaiaswan, Uzielwan ima. Paykunaqa Isej wawasnin karqanku.

⁴³ Paykunaqa chay puchoj amalecitasta tukucherqanku. Chaymantapachataj kunankama chaypi tiyakushanku.