1 Crónicas 2 - Qheshwa Biblia DC

Israelpa wawasnin

^1-2 Israelpa wawasnin karqanku: Rubén, Simeón, Leví, Judá Isacar, Zabulón, Dan, José, Benjamín, Neftalí, Gad, Aser ima.

Judáj mirayninmanta kajkuna

³ Judáj wawasnin karqanku: Er, Onán, Sela ima. Kay kinsa wawaspa mamankoqa Súaj wawan karqa. Payqa cananea karqa. Judáj kuraj kaj wawan Ertataj, kausayninta Señor qhechurparerqa sinch'i sajra runa kasqanrayku.

⁴ Judáj ñojch'an Tamartaj paypaj nacechikorqa iskay qhari wawasta: Farestawan, Zeratawan. Tukuynimpi Judáj wawasnenqa karqanku phishqa.

⁵ Farespa wawasnintaj karqanku: Hezronwan, Hamulwan.

⁶ Zeraj wawasnintaj karqanku: Zimri, Etán, Hemán, Calcol, Darda, ima. Tukuynimpi phishqa karqanku.

⁷ Carmej wawanqa Acár sutiyoj karqa. Payqa llakiyta israelitasman apamorqa, jap'ikapuspa chay imatachus Dios kamacherqa chay tukuyninta chinkachinankuta chaymanta.

⁸ Etampa wawantaj Azarías karqa.

⁹ Hezrompa wawasnintaj karqanku: Jerameel, Ram, Quelubai ima.

¹⁰ Ramtaj Aminadabpa tatan karqa. Aminadabtaj Naasompata tatan karqa. Payqa Judáj mirayninmanta kuraj kamachejninku karqa.

¹¹ Naasontaj Salmompa tatan karqa, Salmontaj Boozpa tatan karqa.

¹² Booztaj Obedpa tatan karqa, Obedtaj Isaej tatan karqa.

¹³ Isaej kuraj kaj wawanqa Eliab karqa. Paypa sullk'antaj Abinadab karqa. Kinsa kajqa Simay karqa.

¹⁴ Tawa kajtaj Natanael karqa. Phishqa kajtaj Radai karqa.

¹⁵ Sojta kajtaj Ozem karqa. Qanchis kajtaj David karqa.

¹⁶ Paykunaj hermanasninkutaj karqanku: Saviawan, Abigailwan. Sarviaj wawasnenqa kinsa karqanku: Abisai, Joab, Asael ima.

¹⁷ Abigailpatari uj qhari wawan karqa Amasa sutiyoj. Paypa tatanqa ismaelita Geter sutiyoj.

¹⁸ Hezrompa wawan Calebqa Azuba warmimpi uj qhari wawayoj karqa, Jeriot sutiyoj. Chay ujkuna wawasnintaj karqanku: Jezer, Sobad, Ardón ima.

¹⁹ Maypachachus Asuba wañupojtintaj, Calebqa casarakorqa Hurpa wawan Efratawan, wawantaj karqa Hur.

²⁰ Urej tatanqa Hur karqa. Bezaleelpa tatantaj karqa Uri.

²¹ Hezrom sojta chunka watasniyoj kashaspataj, Galaadpa tatan Maquirpa warmi wawanwan casarakorqa. Paypitaj uj qhari wawan karqa Segub sutiyoj.

²² Segubtaj Jairpa tatan karqa. Payqa iskay chunka iskayniyoj llajtasniyoj karqa chay Galaad chaynejpi.

²³ Gesurwan, Aramwanqa, Jairpa, jinataj Kenatpa llajtasninkuta, chay qaylla ranchostawan jap'ikaporqanku; tukuynimpi sojta chunka llajtasta. Tukuy kaykunaqa Galaadpa tatan Maquirpa mirayninmanta karqanku.

²⁴ Hezrompa wañupusqanmanta qhepamantaj, Calebqa kasarakorqa tatan Hezrompa warmin Efratawan. Paypitaj uj qhari wawan karqa Asur sutiyoj. Paytaj Tecoaj tatan karqa.

²⁵ Hezrompa kuraj kaj wawan, Jerameelpa wawasnintaj karqanku: Ran, chay kuraj kaj, chanta Buna, Orén, Ozem, Ahías ima.

²⁶ Jerameelpata waj warmin kallarqataj Atara sutiyoj; chaytaj Onampa maman karqa.

²⁷ Jerameelpa kuraj kaj wawan Rampa wawasnintaj karqanku: Maaz Jamín, Equer ima.

²⁸ Onampa wawasnintaj karqanku: Samaiwan, Jadawan. Samaejpa wawasnintaj karqanku: Nadabwan, Abisurwan.

²⁹ Abisurpa warmintaj karqa Abihail sutiyoj, paytaj Ahbampa, Molidpatawan mamanku karqa.

³⁰ Nadabpa wawasnintaj karqanku: Seled, Apaim ima. Seledqa mana wawasniyojlla wañuporqa.

³¹ Apaimpa wawan Isa karqa. Isejtataj wawanqa Sesán karqa. Sesampatataj Ahlai wawan karqa.

³² Samiapa hermanon, Jadaj wawasnintaj karqanku: Jeterwan, Jonatanwan. Jeterqa mana wawasniyojlla wañuporqa.

³³ Jotampa wawasnintaj karqanku: Peletwan, Zazawan. Kaykuna karqanku Jaramaelmanta mirajkuna:

³⁴ Sesampataqa mana qhari wawasnin karqachu, warmi wawaslla karqa. Jinapis tiyaporqa egipcio kamachin Jarha sutiyoj.

³⁵ Chay runamantaj ujnin kaj wawanta qorqa warmin kanampaj. Chaytaj Ataipa maman karqa.

³⁶ Ataitaj Natampa wawan karqa. Natantaj Zabadpa tatan karqa.

³⁷ Zabadtaj Eflalpa tatan karqa. Eflaltaj Obedpa tatan karqa.

³⁸ Obedtaj Jehoj tatan karqa. Jehutaj Azariaspa tatan karqa.

³⁹ Azariastaj Helespa tatan karqa. Helestaj Elasaj tatan karqa.

⁴⁰ Elasataj Sismaipa tatan karqa. Sismaitaj Salumpa tatan karqa.

⁴¹ Saluntaj Jecamiaspa tatan karqa. Jecamiastaj Elisamaj tatan karqa.

⁴² Jerameelpa hermanon Calebpa wawasnintaj karqanku: Kuraj kaj wawan Mesa. Paytaj Sifpa tatan karqa, Siftaj Maresajta tatan karqa. Paytaj Hebrompa tatan karqa.

⁴³ Hebrompa wawasnintaj karqanku: Coré, Tapúa, Requem, Sema ima.

⁴⁴ Semaqa Rahampa tatan karqa. Paytaj Jorcoampa tatan karqa. Requemtaj Samaipa tatan karqa.

⁴⁵ Semairi Maompa tatan karqa. Maomrí Betsurpa tatan karqa.

⁴⁶ Calebpa tanta warmenqa Efaj wawasnin karqanku: Harán, Mosa, Gazez ima. Harantaj Gazezpa tatan karqa.

⁴⁷ Jahdaipa wawasnintaj karqanku: Regen, Jotam, Gesán, Pelet, Efa, Saaf ima.

⁴⁸ Calebpa tanta warmin Maacataj Seberpata, Tirhanajta ima mamanku karqa.

⁴⁹ Jinallataj Maacaqa Saafpata mamallantaj karqa. Saaftaj Madmanaj tatan karqa, chanta Sevajtapis. Paytaj Macbenajtawan, Gibeejtawan tatanku karqa. Calebpata uj warmi wawan kallarqataj Acsa sutiyoj.

⁵⁰ Kaykuna karqanku Calebpa mirayninmanta kajkuna: Efrataj kuraj wawan Urpa wawasnin karqanku: Quiriat-jearimpa tatan Sobal;

⁵¹ Belempa tatan Salma, Bet-gaderpa tatan Haref ima.

^52-53 Quiriat-jearimpa tatan Sobalpa wawasnintaj karqanku: Reaía, manahetitasmantataj khuskannin, jinataj Quiriat-jearimpa ayllusninmanta: Itritas, futitas, sumatitas, misraitas. Chaykunamantataj mirarqanku zoratitaswan estaolitaswan ima.

⁵⁴ Salmaj wawasintaj karqanku: Belén, netofatitas, Atrotbet-jaob. Manahetitasmantataj chay uj khuskannin, zoraitas ima.

⁵⁵ Jabespi tiyakojkuna ayllusninkupis karqanku: Tirateos, simeateosmanta, sucateosmanta ima. Kaykuna kanku chay quenitas, Hamatmanta miramojkuna. Hamatqa Bet-recabpa tatan karqa.