SALMOS 99 - Dios Rimashca Shimicunami

SALMO 99 Mandaj Dios israelcunahuan tucuita pajtachinami

¹ ¡Mandaj Diosmari mandacun! Tucui llajtacunami chujchunga. Paica querubincunapaj jahuapimi tiyacun. Tucui cai pachami chujchunga.

² Mandaj Diosca Sionpica jatunmari. Tucui llajtacunapaj jahuapimari.

³ Quiquinpaj shutica alabashca cachun. Quiquinpaj shutica jatunmi, chujchunami. Paica ima jucha illajmi.

⁴ Jatun mandajpaj mandacuipica cashcata ruranahuan jundami. Quiquinca cashcata ruranatami chashnataj cachun churangui. Jacobpaj huahua huahuacunapurapimi, cashcata rurashpa mandanata, mandana shinataj mandanata churashcangui.

⁵ Mandaj ñucanchij Taita Diosta jatunyachichij. Paipaj chaqui ñaupajpi cungurichij. Paica jucha illajmi.

⁶ Moiseshuan Aaronhuanca Taita Diospaj curacunapurami carca. Samuelca paipaj shutipi mañajcunapurami carca. Mandaj Diosta paicuna mañajpica, paica cutichijmi carca.

⁷ Taita Diosca suni p'uyumantami paicunahuan rimaj carca. Paicunaca ima shina causachun yachachishca shina causajcunami carca. Chaitataj pajtachichun cushca mandashcapi nishca shinataj rurajcunami carca.

⁸ Mandaj Dios, ñucanchij Taita Dioslla, paicuna mañashcata cutichijmi cashcangui. Paicuna mana allita rurashcamanta llaquichishpapish perdonaj Taita Diosmi cangui.

⁹ Mandaj ñucanchij Taita Diosta jatunyachichij. Paipajlla urcu chaquipi cungurichij. Mandaj Dios, ñucanchij Taita Diosca ima jucha illajmari.