SALMOS 67 - Dios Rimashca Shimicunami

SALMO 67 Taita Diosta alabachun llajtacunata cunashcami

Tocanacunapi tocashpa tonota alli yachaj cantachichun, cantanapaj rurashca Salmomi.

¹ Taita Dios ñucanchijta llaquihuai. Ñucanchijtaca alli cashca cachun nihuai. Quiquinpaj ñahuihuan ñucanchij jahuapi lamyachihuai. Selah

² Cai pachapica tucuicuna quiquinpaj ñanta rijsishca cachun. Tucui llajtacuna quiquin quishpichij cashcata rijsishca cachun.

³ ¡Taita Dios quiquintaca tucui llajtacuna alabachun. Tucui llajtacuna quiquinta alabachun!

⁴ Llajtacunataca cashcata rurashpami mandangui. Cai pacha llajtacunataca michinguimi. Chaimanta cushicuichij, llajtacuna cushicuichij. Selah

⁵ ¡Taita Dios quiquintaca tucui llajtacuna alabachun. Tucui llajtacuna quiquinta alabachun!

⁶ Allpaca p'ucungami. Taita Diosca alli cashca cachun ningami. Paica ñucanchij Taita Diosmari.

⁷ Taita Dios, ñucanchijtaca alli cashca cachun niyari. Tucui cai pachapi causajcuna manchachuncuna.