SALMOS 23 - Dios Rimashca Shimicunami

SALMO 23 Mandaj Diosca ñucata michijmi

David rurashca Salmomi.

¹ Mandaj Diosca ñucata michijmi, ñucapajca ima mana illangachu.

² Llullujlla q'uihuacuna tiyancunapimi, ñucataca samachinga. Casijlla yacucuna tiyan c'uchupimi, ñucataca michinga.

³ Ñuca almataca sinchiyachingami. Paipaj shutita c'uyashcamantaca, cashcata rurana ñancunapimi ñucataca pushanga.

⁴ Quiquinca ñucahuanmi cangui. Chaimanta huañunalla amsa pugru pambacunata puricushpapish ima llaqui japinata mana manchashachu. Quiquinpaj varahuan, quiquinpaj taunahuanca mana shaicushachu.

⁵ Ñucata p'iñajcunapaj ñaupajpimi, jatun micuita allichishpa tiyachircangui. Aceitehuanmi ñuca umapi churarcangui. Ñuca copapipish tallirijtami jundachircangui.

⁶ Tucui ñuca causai punllacunapimi, quiquin llaquishpa cushcaca jahuanpi jahuanpi ñucataca catiranga. Mandaj Diospaj huasipimi achca huatacunata causasha.