SALMOS 15 - Dios Rimashca Shimicunami

SALMO 15 Sión urcupica maijanlla causana cashcami

David rurashca Salmomi.

¹ Mandaj Dioslla, cambaj carpa huasipica ¿maijantaj causagringari? Cambajlla urcupica ¿pitaj causagringari?

² Ima pandata mana ruraj, cashcata ruraj, llullana yuyaita shungupi mana charij,

³ paipaj c'alluhuan pita mana yanga llaquichij, pitapish millaita mana ruraj, paipaj c'uchullapi causajcunatapish llaquichishpa mana rimajllami chaipica causagringa.

⁴ Mana alli ninataj cajpi mana alli nij, Mandaj Diosta manchajcunata alli nij, imata ari nishcataca paipaj mana alli cajpipish chaitataj pajtachij,

⁵ cullquita mañachishpapish, mana huahua cullqui jahua mañachij, ima mana allita mana rurashca cajpipish paita llaquichingaraiculla camarita mana japijmi chaipica causagringa. Maijanpish tucui chaicunata manataj rurajca mana lluchcaringachu.