SALMOS 137 - Dios Rimashca Shimicunami

SALMO 137 Prezu apashcacuna Babiloniapi huacashcami

¹ Babilonia jatun yacu c'uchupi tiyarishpami huacaj carcanchij. Sionta yuyarishpami huacaj carcanchij.

² Ñucanchij arpacunatapish chai pueblopi tiyaj sauce yuracunapimi huarcuj carcanchij.

³ Ñucanchijta prezu apajcunaca cantaichij nijcunami carca. Llaquichijcunallatajmi cushicuichij nijcuna carca. Sionpi cantana maijan cantocunata ñucanchijpaj cantaichij nijcunami carca.

⁴ Mandaj Diospaj cantotaca ¿ima shinataj mana rijsishcacunapaj llajtapica cantashunyari?

⁵ Jerusalén, ñuca canta cungarijpica ñuca alli lado maqui fuerza illajlla tucushca cachun.

⁶ Ñuca canta mana yuyarijpica, ñuca c'alluca ñuca palagrapi llutarishca cachun. Jerusalenlla, ñucapajca tucuimanta yalli cushicunamari cangui. Chai shina quiquinpi mana cushicujpica ñuca c'allu palagrapi llutarishca cachun.

⁷ Mandaj Dioslla, Jerusalenta urmachicui punlla edomitacuna imata nishcata yuyariyari. Urmachichij, urmachichij, callari rumicunacama urmachichij nircacunami.

⁸ Babilonialla, canpish chingarinapajmi tiyacungui. Ñucanchijta can imallata rurashca shinallataj canta llaquichijca cushichishcami.

⁹ Cambaj huahuacunata japishpa peña urcupi huajtajca cushichishcami.