SALMOS 134 - Dios Rimashca Shimicunami

SALMO 134 Diospaj huasita cuidajcunata cunashcami

Huichiyacushpa cantanami.

¹ Riquichij, Mandaj Diostaca alli nichigari. Mandaj Diospajta ruraj tucuicuna alli nichigari. Mandaj Diospaj huasita tuta cuidajcuna alli nichigari.

² Paipaj huasiman cancunapaj maquicunata chutashpa, Mandaj Diosta alli nichigari.

³ Jahua pachatapish, cai pachatapish ruraj Mandaj Diosca Sionmanta cantaca alli cashca cachun nichun.