SALMOS 130 - Dios Rimashca Shimicunami

SALMO 130 Mandaj Diosmi israelcunataca quishpichinga

Huichiyacushpa cantanami.

¹ Mandaj Dioslla, quiquintaca ucujta jutcumantami caparicuni.

² Jatun Dioslla, ñuca mañashcata uyahuai. Ñuca rogarishpa mañashcata uyangapajca chaparacuj cayari.

³ Jatun Dioslla, ñucanchij juchacunata quiquin ricuracujllapica, ¿pitaj quiquinpaj ñaupajpica shayari tucungari?

⁴ Cumurishpa quiquinta alli nichunmi ñucanchij juchacunata perdonashcangui.

⁵ Ñucaca Mandaj Diostami shuyani. Paipimi ñuca shunguta churani. Pai cusha nishcatami shuyani.

⁶ Mandaj Dioslla pueblota tuta cuidacujcuna ña pacariman yuyacuj shinami ñuca almaca quiquintaca shuyan.

⁷ Israelcuna, Mandaj Diosta shuyaichigari. Mandaj Diospimari, llaquij canaca tiyan. Quishpichishpa cacharinapish, paipica yallitajmari tiyan.

⁸ Paimari israelcunataca tucui paicunapaj juchacunamanta llujshichinga.