SALMOS 13 - Dios Rimashca Shimicunami

SALMO 13 Llaquihuan cashpa Diosta mañashcami

Tonota alli yachaj cantachichun, David rurashca Salmomi.

¹ Mandaj Dioslla, ¿maicamataj cungaringuiyari? ¿Huiñaipajchu cungaringui? ¿Maicamataj cambaj ñahuitaca ñucamanta pacanguiyari?

² ¿Maicamataj ñucaca llaquita apacushalla? ¿Maicamataj punllanta ñuca shungupi llaquilla cashari? ¿Maicamataj ñucata p'iñaj, jatun tucushcapaj ucupi cashari?

³ Mandaj Dios, ñuca Dioslla, ñucata ricuhuayari cutichihuayari. Huañushpa ñuca dormichunca ama saquihuaichu. Ñuca ñahui achij punllata ricuchun saquihuayari.

⁴ Ñuca lluchcarijpica, ñucata p'iñajca: “Mishanitajmari” ningamari. Chashna paicuna cushicuchun ama saquichu.

⁵ Can llaquij cashcapimi shunguta churani. Canca ñucata quishpichij cajpimi, ñuca shunguca cushicun.

⁶ Mandaj Diostami cantasha. Paica ñucapaj allita rurashcami.