SALMOS 129 - Dios Rimashca Shimicunami

SALMO 129 Siónta p'iñajcunata chingachichun mañashcami

Huichiyacushpa cantanami.

¹ Ñucataca chairaj cashcamantapachami yallitaj llaquichincuna. Cunanca israelcuna, cashna nichigari:

² Ñucataca chairaj cashcamantapachami yallitaj llaquichincuna. Shina cashpapish, ñucataca mana mishai tucurcacunachu.

³ Yapujcunaca ñuca huashapimi yapurcacuna. Suni rahuacunatami rurarcacuna.

⁴ Mandaj Diosca cashcata rurajmari. Diosta mana rijsijcuna ñucanchijta yugushca angutaca paimari p'itirca.

⁵ Siónta p'iñajcunataca tucuicunata pingachishpa huashaman tigrachishcami canga.

⁶ Paicunaca huasi jahuapi huiñaj q'uihua manaraj alli huiñashpa chaquirij shinami cangacuna.

⁷ Chai q'uihuataca tandajca mana paipaj maqui jundata japinchu. Gavillajpish mana paipaj rigra jundata japinchu.

⁸ Ñanta pasajcunaca: “Mandaj Dios alli nishca cancunapaj jahuapi cashca cachun” pi mana nincunachu. ¡Cancunataca Mandaj Diospaj shutipimi alli cashca canguichijman ninchij!