SALMOS 127 - Dios Rimashca Shimicunami

SALMO 127 Mandaj Diosmantami imapish alli canaca shamun

Huichiyacushpa cantachun Salomonpaj cantomi.

¹ Mandaj Dios mana huasichijpica, huasichijcunaca yangallami trabajancuna. Mandaj Dios pueblota mana cuidacujpica, cuidajcunaca yangallami mana dormishpa cuidancuna.

² Ashtahuanpish utcatamari jataringuichij, tutayashcatamari dormij siringuichij. Micunapajllamari shaicuita trabajanguichij. Taita Diosca pai c'uyashcamanca, sumajta dorminatami cun.

³ Huahuacunaca Mandaj Diosmanta herenciamari. Huijsamanta llujshishca huahuacunaca Dios cushca sumajmari.

⁴ Chairaj cashpa charishca huahuacunaca, c'ari c'ari runa puntajlla caspicunata paipaj maquipi charicuj shinamari.

⁵ Huaquichina carapi puntajlla caspicunata jundachij runaca cushijllami. Tandanacuna pungupi paita p'iñajcunahuan rimanacushpapish, mana pingachishcachu canga.