SALMOS 123 - Dios Rimashca Shimicunami

SALMO 123 Taita Dios llaquichun mañashcami

Huichiyacushpa cantanami.

¹ Quiquintami huichilla ricuni. Jahua pachapi caj quiquintami huichilla ricuni.

² Amopajta rurajcuna paicunapaj amocunapaj maquita chaparaj shina, amapajta ruraj huarmi paipaj amapaj maquita chaparaj shinami Mandaj Dios ñucanchij Taita Diostaca chaparacunchij. Ñucanchijta llaquingacamami chaparacunchij.

³ Ñucanchijta llaquihuayari Mandaj Dioslla. Ñucanchijta llaquihuayari. Ñucanchijta yanganchishcamanta yallitaj shaicushcamari canchij.

⁴ Achcata charijcuna chanzata rurajpi, ñucanchij almaca shaicushcamari. Jatun tucushcacuna yanganchijpi yallitaj shaicushcami canchij.