SALMOS 101 - Dios Rimashca Shimicunami

SALMO 101 Allita rurashpa causasha nishcami

David rurashca Salmomi.

¹ Quiquinca llaquij cashcata, cashcata ruraj cashcatami cantasha. Mandaj Dios quiquintami cantasha.

² Quiquin ñucapajman shamujpica, allitaj tucuna ñantami entendisha. Ñuca huasipica ima pandata ñuca shungupi mana yuyashpami purisha.

³ Millaita ruranapica ñuca ñahuitaca manataj churashachu. Diosmanta anchurijcunapaj rurashcacunataca p'iñanachinimi. Chaicunaca shujllapish ñucapajmanca manataj c'uchuyangachu.

⁴ Millai shungu canaca, ñucapica manataj tiyangachu. Millaita ruranataca manataj rijsishachu.

⁵ Shujtajta huashalla rimajtaca chingachishami. Shujtajcunata yallimi canchij nishpa jatun tucujcunataca ñucaca mana ricucushallachu. Yangalla jatun tucushcacunataca mana ricucushallachu.

⁶ Ñucahuan cachunca imatapish chaitataj pajtachijcunapimi ñuca ñahuita churasha. Ashtahuan alli tucuna ñanpi purijcunallami ñucapajtaca rurangacuna.

⁷ Umajcunaca ñuca huasi ucupica mana causangacunachu. Llullana yuyailla cajcunaca ñuca ñaupajpica mana cai tucungacunachu.

⁸ Cai pachapi millaicunataca cada tutamantami chingachisha. Millaita rurajcunata tucuita Mandaj Diospaj pueblomanta chingachingapajmi chashna rurasha.