NEHEMÍAS 7 - Dios Rimashca Shimicunami

Nehemiasca pushajcunata churashcami

¹ Jerusalén muyundij pircacunata ña tucui allichishpa, chai pungucunatapish tucui churashpaca, pungupi cuidajcunatapish, cantajcunatapish, levitacunatapishmi churarca.

² Ñuca huauqui Hananitaca Jerusalenpi mandaj cachunmi churarcani. Hananiastaca Jerusalén muyundij pircacunapi cuidajcunata mandaj cachunmi churarcani. Paica shujtajcunata yalli Taita Diosta manchaj, imatapish chaitataj nij cajpimi, chaipi churarcani.

³ Paicunataca: “Jerusalén pungucunataca, tutamantapica inti llujshishpa cunujyachina shinacama mana pascashcachu cana can. Pungupi cuidajcuna chaipi cajpiraj pungucunataca huichcashpa jarcachishca cachun” nishpami mandarcani. Jerusalén muyundij pircacunata cuidachunca chaipi causajcunallatatajmi huashan huashan paicunapaj quiquin huasi derechota cuidachun churarcani.

⁴ Jerusalén puebloca jatunmi carca. Ashtahuanpish huasicunata manaraj cutin shayachishcamanta, chaipi causajcunaca ashacunallami carca.

Babiloniamanta Zorobabelhuan tigrajcunami

⁵ Chai q'uipaca Taita Diosmi jatuncunatapish, mandajcunatapish, tucui israelcunatapish tandachishpa, paicunapaj ñaupa yayacunamanta mirarishca cada familiapaj shuticunata quillcanata ñuca shungupi yuyachirca. Chaipica ñaupaman Babiloniamanta tigramuj yayacunapaj shuticunata, cashna quillcashca shuj librotami japircani:

⁶ Babilonia llajtata jatun mandaj Nabucodonosor judacunata Babiloniaman prezu apashcacuna Jerusalenman, Judaman quiquin puebloman cutinllataj tigrajcunaca caicunami:

⁷ Zorobabelhuan tigraj pushajcunaca Jesúa, Nehemías, Azarías, Raamías Nahamani, Mardoqueo, Bilsán, Misperet, Bigvai, Nehum, Baana shuti runacunami carcacuna. Tandanacushca israelcunaca caicunami carca:

⁸ Parospaj huahua huahuacunaca, 2.172mi carca.

⁹ Sefatiaspaj huahua huahuacunaca, 372mi carca.

¹⁰ Arapaj huahua huahuacunaca, 652mi carca.

¹¹ Pahat-moabpaj Jesuapaj, Joabpaj huahua huahuacunaca 2.818mi carca.

¹² Elampaj huahua huahuacunaca, 1.254mi carca.

¹³ Zatupaj huahua huahuacunaca, 845mi carca.

¹⁴ Zacaipaj huahua huahuacunaca, 660tami carca.

¹⁵ Binuipaj huahua huahuacunaca, 648mi carca.

¹⁶ Bebaipaj huahua huahuacunaca, 628mi carca.

¹⁷ Azgadpaj huahua huahuacunaca, 2.622mi carca.

¹⁸ Adonicampaj huahua huahuacunaca, 667mi carca.

¹⁹ Bigvaipaj huahua huahuacunaca, 2.067mi carca.

²⁰ Adinpaj huahua huahuacunaca, 655mi carca.

²¹ Ater nishca Ezequiaspaj huahua huahuacunaca iscun chunga pusajmi carca.

²² Hasumpaj huahua huahuacunaca, 328mi carca.

²³ Bezaipaj huahua huahuacunaca, 324mi carca.

²⁴ Harifpaj huahua huahuacunaca, 112mi carca.

²⁵ Gabaonpaj huahua huahuacunaca, iscun chunga pichcami carca.

²⁶ Belenmanta, Netofamanta cajcunaca 188mi carca.

²⁷ Anatotmantaca, 128 runacunami carca.

²⁸ Bet-azmavetmantaca chuscu chunga ishqui runacunami carca.

²⁹ Quiriat-jearimmanta Cafiramanta, Beerotmantaca 743 runacunami carca.

³⁰ Ramamanta, Gebamantaca 621 runacunami carca.

³¹ Micmasmantaca, 122 runacunami carca.

³² Bet-elmanta, Haimantaca 123 runacunami carca.

³³ Caishuj Nebomantaca, pichca chunga ishqui runacunami carca.

³⁴ Shujtaj Elampaj huahua huahuacunaca, 1.254mi carca.

³⁵ Harimpaj huahua huahuacunaca, 320mi carca.

³⁶ Jericomantaca, 345 runacunami carca.

³⁷ Lodmanta, Hadidmanta, Onomantaca 721 runacunami carca.

³⁸ Senaamantaca, 3.930 runacunami carca.

³⁹ Jesuapaj familiamanta caj Jedaiaspaj huahua huahuacunaca, 973 curacunami carca.

⁴⁰ Imerpaj huahua huahuacunaca, 1.052mi carca.

⁴¹ Pasurpaj huahua huahuacunaca, 1.247mi carca.

⁴² Harimpaj huahua huahuacunaca, 1.017mi carca.

⁴³ Levitacunaca: Jesuapaj, Cadmielpaj, Hodaviaspaj huahua huahuacunaca, canchis chunga chuscumi carca.

⁴⁴ Cantajcunaca: Asafpaj huahua huahuapuramanta 148mi carca.

⁴⁵ Pungupi cuidajcunapaj huahua huahuacunaca: 138 runacunami carca. Paicunaca Salumpaj, Aterpaj, Talmonpaj, Acubpaj, Hatitapaj, Sobaipaj huahua huahuacunami carca.

⁴⁶ Diospaj huasipi imatapish rurashpa causaj runacunapaj huahua huahuacunaca: Zihapaj, Hasufapaj, Tobaotpaj,

⁴⁷ Querospaj, Siahapaj, Padonpaj, huahua huahuacuna,

⁴⁸ Lebanapaj, Hagabapaj, Salmaipaj huahua huahuacuna,

⁴⁹ Hananpaj, Gidelpaj, Gaharpaj huahua huahuacuna,

⁵⁰ Reaiapaj, Rezinpaj, Necodapaj huahua huahuacuna,

⁵¹ Gazampaj, Uzapaj, Paseahpaj huahua huahuacuna,

⁵² Besaipaj, Mehunimpaj, Nefisesimpaj huahua huahuacuna,

⁵³ Bacbucpaj, Hacufapaj, Harhurpaj huahua huahuacuna,

⁵⁴ Bazlutpaj, Mehidapaj, Harsapaj huahua huahuacuna,

⁵⁵ Barcospaj, Sisarapaj, Temapaj huahua huahuacuna,

⁵⁶ Neziapaj, Hatifapaj huahua huahuacunami carca.

⁵⁷ Salomonpajta rurajcunapaj huahua huahuacunaca: Sotaipaj, Soferetpaj, Peridapaj huahua huahuacuna,

⁵⁸ Jaalapaj, Darconpaj, Gidelpaj huahua huahuacuna,

⁵⁹ Sefatiaspaj, Hatilpaj, Poqueret-hazebaimpaj, Amonpaj huahua huahuacunami carca.

⁶⁰ Taita Diospaj huasipi imatapish rurashpa causajcunapaj huahua huahuacuna, Salomonpajta rurajcunapaj huahua huahuacunaca 392mi carca.

⁶¹ Tel-mela, Tel-harsa, Querub, Adón, Imer shuti pueblocunamanta tigrashpa huichiyajcunaca maijan aillucunamanta cashcatapish, israelcunapurataj cashcatapish, mana israelcuna cashcatapish mana ricuchi tucujcunaca caicunami:

⁶² Delaiapaj, Tobiaspaj, Necodapaj huahua huahuacunaca 642mi carca.

⁶³ Curacunapaj huahua huahuacunaca: Habaiapaj, Cospaj, Barzilaipaj huahua huahuacunami carca. Barzilaica Galaadmanta caj Barzilaipaj ushushicunapuramanta shuj ushushitami paipaj huarmi cachun japirca. Chaimantami Barzilai shuti tucurca.

⁶⁴ Chai runacunami, quiquin aillucunapurapi shuticunata quillcachishcacunapi mashcashpapish mana japircacuna. Chaimantami paicunataca cura canamanta anchuchircacuna.

⁶⁵ Chashna anchuchishpapish Judá llajtata mandajca: “Diosman cushca micunataca Urim nishcahuan, Tumin nishcahuan Diosta shuj cura tapushpa imatapish ningacama, ama micunguichijchu” nircami.

⁶⁶ Shuj shinalla tucui chaipi tandanacushcacunaca 42.360 runacunami carca.

⁶⁷ Shujtajpajta ruraj c'aricuna, huarmicunaca 7.337mi carca. Cantaj c'aricuna cantaj huarmicunaca 245mi carca. Chaicunata mana yupashcami chaica carca.

⁶⁸ Chai tigramujcunapajca 736 caballocuna, 245 mulacuna,

⁶⁹ 435 camellocuna, 6.720 burrocunami carca.

⁷⁰ Ñaupa yayacunamanta mirarishca quiquinpurallata maijan mandajcunaca Diospaj huasita cutin shayachingapajmi ofrendacunata curcacuna. Llajtata mandajca shuj huaranga dracma curita, pichca chunga tasacunata, curacunapaj churanacunatapish, 530tami curca.

⁷¹ Quiquinpurallata mandajcunaca 20.000 dracma curita, 2.200 libra cullquitami Diospaj huasita allichingapaj cullquita huaquichijman curca.

⁷² Tucui israelcunaca 20.000 dracma curita, 2.000 libra cullquita, curacunapaj churanacunatapish, sujta chunga canchistami curcacuna.

⁷³ Curacunapish, levitacunapish, pungupi cuidajcunapish, cantajcunapish, israelcunapish, Diospaj huasi ucupi ima shujtajta rurajcunapishmi paicunapaj quiquin pueblocunapi causarcacuna. Chashnami tucui israelcuna, paicunapaj quiquin pueblollapitaj causarcacuna. Ña canchis quilla callarinapajca israelcunaca paicunapaj quiquin pueblocunallapitajmi causacurcacuna.