JOSUÉ 12 - Dios Rimashca Shimicunami

Maijanlla jatun mandajcunata Moisés mishashcami

¹ Jordán yacumanta inti llujshin ladoman causajcunata jatun mandajcunataca caicunatami israelcunaca mishashpa paicunapaj allpacuna cachun japirca. Chaicunaca caicunami: Arnón yacumanta callarishpaca, Hermón urcucama, inti llujshin lado Arabá pambacunandijmi tucuita japircacuna.

² Amorreocunata jatun mandaj Sehonca, Hesbón pueblopimi causarca. Paica Arnón yacu uri pugru pambapi tiyaj Aroer pueblomanta callarishpaca, chaupi Galaad llajtatapish Amón llajtahuan tupanacuj Jaboc yacucamami mandacurca.

³ Inti llujshin ladoman caj Arabá pambatapish, Cineret mama cuchacama, chaimantaca ura ladotaca Cachisapa cuchacama, Bet-jesimot ñan ura chaqui quinritaca ashtahuan urata Pisga shuti urcu chaqui quinricamami paillataj mandacurca.

⁴ Og shuti jatun mandajca, Basán llajtatami mandacurca. Paica refaitacunapuramanta saquirishcami carca. Paica Astarot, Edrei pueblocunapimi causarca.

⁵ Og shuti mandajca, Hermón urcupi caj llajtatapish, Salca llajtatapish, tucui Basán llajtahuan, Gesur llajtahuan, Maaca llajtahuan tupanacuncama, chaupi Galaad llajtatapish, Hesbón pueblota jatun mandaj Sehón mandacun llajtahuan tupanacun llajtacamami mandaj carca.

⁶ Tucui chai llajtacunata mandajcunatami, Mandaj Diospajta ruraj Moiseshuan, israelcunahuanca misharcacuna. Chai tucui llajtacunataca, Mandaj Diospajta ruraj Moisesca Rubenpaj ailluman, Gadpaj ailluman Manasespaj chaupi aillumanpishmi ña curca.

Maijanlla jatun mandajcunata Josué mishashcami

⁷ Jordán yacumanta inti huashicun ladoman causajcunata jatun mandajcunataca Josuehuan israelcunahuanca, caicunatami misharcacuna: Líbano pambapi caj Baal-gad llajtamanta callarishpaca, Seir urcuman huichi rina Halac shuti urcucamami japircacuna. Chai allpacunataca Israel aillucunapaj cachunmi Josueca mashnapura cajpipish, pajtanata chaupishpa curca.

⁸ Chai allpacunaca Arabá pambacuna, urcucuna, pugru pambacuna, Neguev llajta, chai muyundij shitashca pambacuna, quinri allpacunapishmi carca. Chai llajtacunapica heteocuna, amorreocuna, cananeocuna, ferezeocuna, heveocuna, jebuseocunami causaj carca.

⁹ Tucui cai pueblocunata jatun mandajcunatami israelcunaca huañuchircacuna: Bet-el pueblo c'uchullapi caj Jericota jatun mandajta, Haita jatun mandajta,

¹⁰ Jerusalenta jatun mandajta, Hebronta jatun mandajta,

¹¹ Jarmutta jatun mandajta, Laquista jatun mandajta,

¹² Eglonta jatun mandajta, Gezerta jatun mandajta,

¹³ Debirta jatun mandajta, Gederta jatun mandajta,

¹⁴ Hormata jatun mandajta, Aradta jatun mandajta,

¹⁵ Libnata jatun mandajta, Adulamta jatun mandajta,

¹⁶ Macedata jatun mandajta, Bet-elta jatun mandajta,

¹⁷ Tapuata jatun mandajta, Heferta jatun mandajta,

¹⁸ Afecta jatun mandajta, Saronta jatun mandajta,

¹⁹ Madonta jatun mandajta, Hazorta jatun mandajta,

²⁰ Simron-merenta jatun mandajta, Acsafta jatun mandajta,

²¹ Taanacta jatun mandajta, Meguidota jatun mandajta,

²² Cedesta jatun mandajta, Carmelo urcu c'uchupi caj Jocneamta jatun mandajta,

²³ Dor llajtapi caj Dorta jatun mandajta, Gilgalpi caj Goimta jatun mandajta,

²⁴ Tirsata jatun mandajtapishmi huañuchircacuna. Tucuimantaca quimsa chunga shuj jatun mandajcunatami huañuchircacuna.