JOB 25 - Dios Rimashca Shimicunami

Bildadca Diospaj ñaupajpica runaca juchachina illaj mana cai tucunchu nishcamanta

¹ Suhamanta Bildadca cashna nishpami cutichirca:

² “Tucuita mandanapish Diospajmi, tucuicuna manchanapish paillami. Jahua pachapica paimi sumaj causaita churan.

³ ¿Paipaj soldadocunaca yupai tucuipajchu? ¿Paipaj luzca maijanpaj jahuapica, manachu achijyachicunga?

⁴ ¿Runaca Taita Diospaj ñaupajpica, ima shinataj juchachina illajca cai tucungari? Huarmimanta huacharishca runaca ¿ima shinataj mapa illajca cangari?

⁵ Riqui, paipaj ñaupajpica lunapish manamari achijyachij cangachu, luzerocunapish manamari mapa illaj cangachu.

⁶ Runacarin c'uru shinallamari. Huañujlla aichayuj runapish, c'uru shinallamari. ¿Ima shinataj chuya cangari?” nircami.