1 CRÓNICAS 8 - Dios Rimashca Shimicunami

Benjaminpaj huahua huahuacunami

¹ Benjaminpaj punta churica Bela, q'uipaca Asbel, chaipaj q'uipaca Ahara,

² chaipaj q'uipaca Noha, chaipaj q'uipaca Rafa shuti churicunami carca.

³ Belapaj churicunaca: Adar, Gera, Abiud,

⁴ Abisúa, Naamán, Ahoa,

⁵ Gera, Sefufán, Hiram shuticunami carca.

⁶ Aodpaj churicunaca caicunami carca. Paicunaca paicunapaj ñaupa yayacunamanta mirarishcacunata mandashpa Geba pueblopi causacujta Manahatpi causachun churashca caicunami:

⁷ Naamán, Ahías, Gera shuticunami carca. Gera runami tucui paicunataca pusharca. Gera runaca Uza, Ahiud shuti churicunatami charirca.

⁸ Saharaim runaca Husim shuti, Baara shuti paipaj huarmicunata shitashca q'uipaca, Moab llajtapimi shujtaj churicunata charirca.

⁹ Saharaim runaca Hodes shuti huarmihuan cazarashpaca chai huarmipica: Jobab, Sibia, Mesa, Malcam,

¹⁰ Jeúz, Saquías, Mirma shuti churicunatami charirca. Tucui paicunami Saharaim runapaj huahuacuna, quiquin familiacunata mandajcuna carca.

¹¹ Saharaimca Husim huarmipica, Abitob, Elpaal shuti churicunatami charirca.

¹² Elpaalpaj churicunaca: Heber, Misam, Semed shuticunami carca. (Semed runami Ono pueblotapish chai muyundij llajtacunandij, Lod pueblotapish chai muyundij llajtacunandij shayachirca).

¹³ Ajalón pueblopi causaj paicunapaj quiquinpurallata mandaj Bería, Sema shuti runacunami Gatpi causajcunata llujshichishpa cacharcacuna.

¹⁴ Ahío, Sasac, Jeremot,

¹⁵ Zebadías, Arad, Ader,

¹⁶ Micael, Ispa, Joha shuti runacunaca Beriapaj churicunami carca.

¹⁷ Zebadías, Mesulam, Hizqui, Heber,

¹⁸ Ismerai, Jezlías, Jobab shuti runacunaca Elpaalpaj churicunami carca.

¹⁹ Jaquim, Zicri, Zabdi,

²⁰ Elienai, Ziletai, Eliel,

²¹ Adaías, Beraías, Simrat shuti runacunaca Simeipaj churicunami carca.

²² Ispán, Heber, Eliel,

²³ Abdón, Zicri, Hanán,

²⁴ Hananías, Elam, Anatotías,

²⁵ Ifdaías, Peniel shuti runacunaca Sasacpaj churicunami carca.

²⁶ Samserai, Seharías, Atalías,

²⁷ Jaresías, Elías, Zicri shuti runacunaca Jerohampaj churicunami carca.

²⁸ Paicunaca paicunapaj ñaupa yayacunamanta mirarishca quiquin familiacunata mandajcunami carca. Jerusalenpimi causarcacuna.

Saulpaj familiacunami

²⁹ Gabaón pueblopica, Abigabaón shuti runami causarca. Paipaj huarmica Maaca shutimi carca.

³⁰ Paipaj punta churica, Abdón shutimi carca. Chaipaj q'uipa churicunaca: Zur, Cis, Baal, Nadab,

³¹ Gedor, Ahío, Zequer shuticunami carca.

³² Miclot runaca Simea churitami charirca. Tucui paicunapish, Jerusalenllapitajmi paicunapaj huauquicunapaj ch'imbapurapi causarcacuna.

³³ Nerca Cis churitami charirca. Cisca Saúl churitami charirca. Saulca: Jonatán, Malquisúa, Abinadab, Es-baal shuti churicunatami charirca.

³⁴ Jonatanpaj churica, Merib-baal shutimi carca. Merib-baalca Micaía churitami charirca.

³⁵ Micaiapaj churicunaca: Pitón, Melec, Tarea, Acaz shuticunatami charirca.

³⁶ Acazca Joada churitami charirca. Joadaca Alemet, Azmavet, Zimri shuti churicunatami charirca. Zimrica Mosa churitami charirca.

³⁷ Mosaca Bina churitami charirca. Binapaj churica Rafami. Rafapaj churica Elasami. Elasapaj churica Azelmi carca.

³⁸ Azelca, sujta churicunatami charirca. Paicunaca: Azricam, Bocru, Ismael, Searías, Obadías, Hanán shuti churicunami carca. Tucui paicunami Azelpaj huahua huahuacuna carca.

³⁹ Azelpaj huauqui Esecpaj punta churica, Ulammi carca. Q'uipa churica Jehusmi carca. Ishquipaj q'uipa churica, Elifeletmi carca.

⁴⁰ Ulampaj churicunaca puntajlla caspita shitanata alli yachaj, c'ari c'ari soldadocunami carca. Paicunaca achca churicunatami charirca. Chai churicunapish achca churicunatami charircacuna. Ulampaj churicunandij nietocunandijca, 150 runacunami carca. Tucui chaicunami Benjaminpaj huahua huahuacuna carca.