1 CRÓNICAS 3 - Dios Rimashca Shimicunami

Davidpaj churicunami

¹ Davidca, Hebronpi causacushpaca cai churicunatami charirca: Amnón punta churitaca Jezreel pueblomanta caj Ahinoam huarmipimi charirca. Chaipaj q'uipaca, Danieltami charirca. Paitaca, Carmel pueblomanta caj Abigail huarmipimi charirca.

² Ishquipaj q'uipa churica Absalonmi carca. Paitaca, Gesur llajtata jatun mandaj Talmaipaj ushushi Maacapimi charirca. Quimsapaj q'uipa churica Adoniasmi carca. Paitaca, Haguit huarmipimi charirca.

³ Chuscupaj q'uipa churica Sefatiasmi carca. Paitaca, Abital huarmipimi charirca. Pichcapaj q'uipa churica Itreammi carca. Paitaca Egla paipaj huarmipimi charirca.

⁴ Davidca, chai sujta churicunataca Hebronpi causacushpami charirca. Chaipica canchis huata, sujta quillatami mandarca. Jerusalenpica quimsa chunga quimsa huatatami mandarca.

⁵ Jerusalenpi cajpica: Simea, Sobab, Natán, Salomón cai chuscu churicunami huacharirca. Paicunapaj mamaca Amiel runapaj ushushi Bet-súa huarmimi carca.

⁶ Iscun shujtaj churicunatapishmi charirca. Chaicunaca: Ibhar, Elisama, Elifelet,

⁷ Noga, Nefeg, Jafía,

⁸ Elisama, Eliada, Elifelet shuticunami carca.

⁹ Tucui chaicunami Davidpaj churicuna carca. Davidpaj caishuj huarmicunapi charishca churicunata mana yupashcami chaica carca. Tamarca paicunapaj panimi carca.

Salomonpaj huahua huahuacunami

¹⁰ Salomonpaj huahua huahuacunaca caicunami: Salomonpaj churica, Roboammi, Roboampaj churica Abiasmi, Abiaspaj churica Asami, Asapaj churica Josafatmi.

¹¹ Josafatpaj churica Jorammi, Jorampaj churica Ocoziasmi, Ocoziaspaj churica Joasmi.

¹² Joaspaj churica Amasiasmi, Amasiaspaj churica Azariasmi, Azariaspaj churica Jotammi.

¹³ Jotampaj churica Acazmi, Acazpaj churica Ezequiasmi, Ezequiaspaj churica Manasesmi.

¹⁴ Manasespaj churica Amonmi, Amonpaj churica Josiasmi.

¹⁵ Josiaspaj churicunaca. Punta churica Johananmi, q'uipa churica Joacimmi. Ishquipaj q'uipa churica Sedequiasmi, quimsapaj q'uipa churica Salummi carca.

¹⁶ Joacimca Jeconías churitami charirca. Jeconiasca Sedequías churitami charirca.

¹⁷ Jeconiaspaj churicunaca: Asir, Salatiel,

¹⁸ Malquiram, Pedaías, Senazar, Jecamías, Hosama, Nedabías shuticunami carca.

¹⁹ Pedaiaspaj churicunaca: Zorobabel, Simei shuti churicunami carca. Zorobabelpaj churicunaca: Mesulam, Hananías shuti churicunami carca. Paicunapaj pani Selomitpishmi carca.

²⁰ Zorobabelca: Hasuba, Ohel, Berequías, Hasadías, Jusab-hesed shuti pichca churicunatapishmi charirca.

²¹ Hananiaspaj churicunaca: Pelatías, Jesaías shuticunami carca. Jesaiaspaj churica Refaiasmi, Refaiaspaj churica Arnanmi, Arnanpaj churica Abdiasmi, Abdiaspaj churica Secaniasmi carca.

²² Secaniaspaj churica Semaiasmi carca. Semaiaspaj churicunaca: Hatús, Igal, Barías, Nearías, Safat shuti sujta churicunami carca.

²³ Neariaspaj churicunaca: Elioenai, Ezequías, Azricam shuti quimsa churicunami carca.

²⁴ Elioenaipaj churicunaca: Hodavías, Eliasib, Pelaías, Acub, Johanán, Dalaías, Anani shuti canchis churicunami carca.