1 CRÓNICAS 25 - Dios Rimashca Shimicunami

Tocajcunamantapish, cantajcunamantapish

¹ Davidca, soldadocunata mandajcunahuan tucushpami Asafpaj, Hemanpaj, Jedutunpaj huahua huahuacunataca cantashpa Diospajta rurachun ch'icanchishpa churarca. Paicunataca arpacunapi, salteriocunapi, cimbalocunapi tocashpa, Diospajta rurachunmi churarca. Tonocunahuan Diospajta ruranapajtaj caj runacuna mashna cashcaca caicunami:

² Asafpaj churicunapuramantaca: Zacur, José, Netanías, Asarela shuticunami carca. Asafpaj churicunataca paicunapaj yaya Asafllatajmi yachachishpa pushaj carca. Paica jatun mandaj huillai nijpimi Dios ima nishcata huillaj carca.

³ Jedutunpaj churicunapuramantaca: Gedalías, Zeri, Jesaías, Hasabías, Matatías, Simei shuti sujta churicunami carca. Paicunata yachachishpa pushajca, paicunapaj yaya Jedutunllatajmi carca. Paica arpapi tocashpami, Mandaj Diosta pagui nishpa, alabashpa Dios ima nishcata huillaj carca.

⁴ Hemanpaj churicunapuramantaca: Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir, Mahaziot shuticunami carca.

⁵ Tucui paicunami Dios huillachishcata jatun mandajman huillaj Hemanpaj churicuna carca. Hemanta c'ari c'ari cashcata ricuchingapajmi chunga chuscu churicunata, quimsa ushushicunata Taita Diosca paimanca curca.

⁶ Mandaj Diospaj huasipi cimbalocunapi, salteriocunapi, arpacunapi tocashcahuan cantashpa Diospajta ruracujpica, paicunapaj yaya Hemanmi dirijirca. Asaftapish, Jedutuntapish, Hemantapish jatun mandaj Davidmi mandaj carca.

⁷ Mandaj Diosta cantachun yachachishcacuna ña alli cantajcunata tucuicunata mashna cashcata yupajpica 288 runacunami carca.

⁸ Paicunapish Diospajta ruranapi yaicungapajca sorteashpami yuyajcunapajpish, chairajcunapajpish, yachachijcunapajpish, yachacujcunapajpish huashan huashan rurashpa catingapaj yaicuna tucurcacuna.

⁹ Punta sorteajpica asafita Josepajmi urmarca. Ishquipica Gedaliaspajmi urmarca. Paipaj huauquicunandij, churicunandijca chunga ishquimi carca.

¹⁰ Quimsapica Zacurpajmi urmarca. Paipaj churicunandij, paipaj huauquicunandijca chunga ishquimi carca.

¹¹ Chuscupica Izripajmi urmarca. Paipaj churicunandij, paipaj huauquicunandijca chunga ishquimi carca.

¹² Pichcapica Netaniaspajmi urmarca. Paipaj churicunandij, paipaj huauquicunandijca chunga ishquimi carca.

¹³ Sujtapica Buquiaspajmi urmarca. Paipaj churicunandij, huauquicunandijca chunga ishquimi carca.

¹⁴ Canchispica Jesarelapajmi urmarca. Paipaj churicunandij, huauquicunandijca chunga ishquimi carca.

¹⁵ Pusajpica Jesahiaspajmi urmarca. Paipaj churicunandij, huauquicunandijca chunga ishquimi carca.

¹⁶ Iscunpica Mataniaspajmi urmarca. Paipaj churicunandij, huauquicunandijca chunga ishquimi carca.

¹⁷ Chungapica Simeipajmi urmarca. Paipaj churicunandij, huauquicunandijca chunga ishquimi carca.

¹⁸ Chunga shujpica Azareelpajmi urmarca. Paipaj churicunandij, huauquicunandijca chunga ishquimi carca.

¹⁹ Chunga ishquipica Hasabiaspajmi urmarca. Paipaj churicunandij, huauquicunandijca chunga ishquimi carca.

²⁰ Chunga quimsapica Subaelpajmi urmarca. Paipaj churicunandij, huauquicunandijca chunga ishquimi carca.

²¹ Chunga chuscupica Matatiaspajmi urmarca. Paipaj churicunandij, huauquicunandijca chunga ishquimi carca.

²² Chunga pichcapica Jeremotpajmi urmarca. Paipaj churicunandij, huauquicunandijca chunga ishquimi carca.

²³ Chunga sujtapica, Hananiaspajmi urmarca. Paipaj churicunandij, huauquicunandijca chunga ishquimi carca.

²⁴ Chunga canchispica Josbecasapajmi urmarca. Paipaj churicunandij, huauquicunandijca chunga ishquimi carca.

²⁵ Chunga pusajpica Hananipajmi urmarca. Paipaj churicunandij, huauquicunandijca chunga ishquimi carca.

²⁶ Chunga iscunpica Malotipajmi urmarca. Paipaj churicunandij, huauquicunandijca chunga ishquimi carca.

²⁷ Ishqui chungapica Eliatapajmi urmarca. Paipaj churicunandij, huauquicunandijca chunga ishquimi carca.

²⁸ Ishqui chunga shujpica Hotirpajmi urmarca. Paipaj churicunandij, huauquicunandijca chunga ishquimi carca.

²⁹ Ishqui chunga ishquipica Gidaltipajmi urmarca. Paipaj churicunandij, huauquicunandijca chunga ishquimi carca.

³⁰ Ishqui chunga quimsapica Mahaziotpajmi urmarca. Paipaj churicunandij, huauquicunandijca chunga ishquimi carca.

³¹ Ishqui chunga chuscupica Romanti-ezerpajmi urmarca. Paipaj churicunandij, huauquicunandijca chunga ishquimi carca.