SALMOS 87 - Dios Rimashcata Quillcashcami

Sión pueblota Dios cuyashcamanta

Corepac churicuna cantashca Salmomi.

¹ Sión pueblo callari rumicunaca Diospaclla urcupimi.

² Mandac Diosca Sión pueblo pungucunatami Jacobopac tucui pueblocunata yalli cuyan.

³ ¡Diospac pueblolla, canmantaca sumaimanatami rimancuna!

⁴ Ñucata ricsic llactacunaca: «Rahab shinallatac Babilonia llactamantami rimasha. Filistea, Tiro shinallatac Etiopía llactacunapi causaccunapish, chaillapitacmi huacharishca» nishami.

⁵ Sionmantaca: «Caipish, chaipish chai pueblopimi huacharishca» nishami. Jahua pachapi causac Diosllatacmi chai pueblotaca sinchiyachinga.

⁶ Mandac Dios, gentecunapac shuticunata quillcashpaca: «Caipish chaipimi huacharishca» ningami.

⁷ Tucui cantaccunapish, danzaccunapish rimashpaca: «¡Ñucanchicpish Sión pueblollamantami canchic!» ningacunami.