SALMOS 8 - Dios Rimashcata Quillcashcami

Mandac Dios ruhuashcata mandachun runata churashcamanta

Cantaccunata pushac Guit tocanahuan cantachichun, David ruhuashca Salmomi.

¹ Mandac Dioslla, canmi ñucanchic mandac cangui. ¡Tucui cai pachapimi cambac shutica jatunyachishca, sumaimana can! Can sumaimana cashcataca jahua pachapimi churashcangui

² Canta piñaccunata, cariyaccunataca, uchilla huahuacuna, chuchucuc huahuacuna cantashcahuanmi upallachingui.

³ Jahua pachata ricushpaca quillatapish, lucerocunatapish cambac maquihuan ruhuashcatami ricuni.

⁴ Chaita ricushpami ñucaca: «¿Runataca ima cacpitac yuyaringui? ¿Ima cacpitac huañuclla runataca ricungapac shamungui?» nirca.

⁵ Runataca ashallamantami, mana angelcunata shina ruhuashcangui. Jatun canatapish, alli nishca canatapish coronata shinami cushcangui.

⁶ Can ruhuashcacunata mandactamari ruhuarcangui. Tucuitami cambac chaqui ucupi churarcangui.

⁷ Ovejacunata, huagracunata, sacha animalcunata,

⁸ jahuata volac animalcunata, yacupi causac challuacunata, yacupi causac tucuilaya animalcunatami curcangui.

⁹ Mandac Dioslla, canmi ñucanchic mandac cangui. ¡Tucui cai pachapimi cambac shutica jatunyachishca sumaimana can!