SALMOS 23 - Dios Rimashcata Quillcashcami

Mandac Dios alli michic cashcamanta

David ruhuashca Salmomi.

¹ Mandac Diosmi ñucata michic, ñucapacca ima mana illangachu.

² Llullu quihua pambacunapimi ñucataca samachinga. Casilla tiyacuc yacu cuchupimi michinga.

³ Paimi ñuca almataca sinchiyachinga. Paipac shuti alli nishca cachunmi alli ñanta ñucataca pushanga.

⁴ Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

⁵ Ñucata piñaccunapac ñaupapimi jatun micuipi tiyachircangui. Aceitetapish ñuca umapimi churarcangui. Ñuca copapipish tallirictami jundachircangui.

⁶ Mandac Dioslla, tucui ñuca causaipimi llaquishpa, cuyashpa charingui. Ñucaca huiñaitami cambac huasipi causasha.