SALMOS 15 - Dios Rimashcata Quillcashcami

Sión urcupi maijancunalla causagrinamanta

David ruhuashca Salmomi.

¹ Mandac Dioslla, ¿canhuan tupana huasipica maijancunallatac causagringa? ¿Maijancunallatac cambaclla chicanyachishca urcupica causagringa?

² Ima pandata mana ruhuac, imatapish cashcata ruhuac, paipac shungupi mana llullac,

³ paipac calluhuan mana pita llaquichic, shuccunata ima llaquita mana ruhuac, paipac vecinota mana piñachicmi chaipica causanga.

⁴ Shinallatac mana allita ruhuaccunata piñaccuna, Mandac Diosta cazuccunata alli niccuna, quipata llaquihuan cangapacpish, ari nishcata pactachiccuna,

⁵ cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!