SALMOS 134 - Dios Rimashcata Quillcashcami

Diosta alli ninamanta

Huichai rishpa cantanami.

¹ Riqui, Mandac Diostaca alli nichicyari. Tucui paita serviccunapish, paipac huasita tuta cuidaccunapish alli nichicyari.

² Paipac huasiman maquicunata chutashpa, Mandac Diosta alli nichicyari.

³ ¡Jahua pachatapish, cai pachatapish ruhuac Mandac Dios Sión pueblomanta canta bendiciachun!