SALMOS 130 - Dios Rimashcata Quillcashcami

Mandac Dios tucui juchacunata perdonac cashcamanta

Huichai rishpa cantanami.

¹ Mandac Dioslla, tucui shunguhuanmi caparishpa mañani.

² Jatun Dioslla, ñuca mañashcata chasquiyari. Ñuca mañashcata cambac ringrihuan uyaiyari.

³ Mandac Dioslla, ñucanchic juchacuna cambac yuyaipi tiyacucpica, ¿pitac cambac ñaupapi shayari pudingayari?

⁴ Ashtahuanpish cambac ñaupapi cumurichunmi, ñucanchic juchacunata perdonashcangui.

⁵ Ñucaca tucui almahuanmi Mandac Diosta shuyacuni. Pai rimashca pactachunmi shuyacuni.

⁶ Ñuca almaca pueblota cuidaccuna pacarichun shuyac shinami, Mandac Diosta shuyacun.

⁷ Israelcunalla, Mandac Diosmi yallita llaquicca, paillami quishpichicca. Chaimanta paillata shuyaichicyari.

⁸ Paimi tucui israelcunapac juchacunataca perdonanga.