SALMOS 129 - Dios Rimashcata Quillcashcami

Sionta piñaccunata tucuchichun Diosta mañashcamanta

Huichai rishpa cantanami.

¹ Huambramanta pachami ñucataca yallita llaquichincuna Cunanca israelcuna:

² «Huambramanta pachami ñucataca yallita llaquichirca. Shina llaquichishpapish mana ati pudircacunachu.

³ Yapuc runacunaca ñuca lomopimi yapurcacuna. Jatun huachucunatami ruhuarcacuna.

⁴ Mandac Diosca cashcata ruhuac cashpami, paita mana manchaccuna ñucanchicta huatashca shina charicucpi pitirca» nichicyari.

⁵ Sión pueblota mana ricusha niccunaca tucui mashna pingaihuan huashaiman cutishca cachun.

⁶ Huasi jahuapi quihua manarac huiñashpa chaquic shina tucuchun.

⁷ Chai quihuata cosechac runaca mana maqui jundata piti pudinchu. Gavillata ruhuac runapish mana rigrapi jundachi pudinchu.

⁸ Ñanta pasaccunaca: «Mandac Diosca cancunata bendiciashca cachun. ¡Ñucanchicca Mandac Diospac shutipimi bendicianchic!» mana ningacunachu.