SALMOS 128 - Dios Rimashcata Quillcashcami

Mandac Diosta manchaccuna cushicushcamanta

Huichai rishpa cantanami.

¹ Mandac Diosta manchashpa, pai munashca shina causaccunaca tucuimi cushicuncuna.

² Quiquin maquihuan trabajashcata micushpaca cushicunguimi. Alli causaitapish charinguimi.

³ Cambac huarmipish huasi ladopi tiyac cargashca uvas yura shinami canga. Churicunaca olivos yuracuna retoñac shinami miza muyundipi cangacuna.

⁴ Chashnami Mandac Diosta manchaccunaca bendiciashca canga.

⁵ ¡Mandac Diosca cantaca Sionmantami bendicianga! Cambac tucui causaipimi Jerusalentaca alli cashcata ricungui.

⁶ Cambac churicunapac churicunatapish ricungacamanmi causangui. ¡Israelcunamanca cushi causai tiyachun!