SALMOS 126 - Dios Rimashcata Quillcashcami

Prezucunata cutichimuchun Diosta mañashcamanta

Huichai rishpa cantanami.

¹ Mandac Dios prezucunata Sionman cutichimucpica, muscushca shinami carca.

² Chaipimi yallita asircanchic. Ñucanchic rimashcahuanmi Diosta cantarcanchic. Chashna cantacpimi, shuctac llactacunapi causaccunaca: «Mandac Diosca paicunamanca jatun mancharina allicunatami ruhuashca» nircacuna.

³ ¡Mandac Diosca ñucanchicmanca jatun mancharina allicunatami ruhuashca! ¡Yallitami cushicunchic!

⁴ Mandac Dioslla, ñucanchictaca Neguev pambapi tucyac yacucuna shinata prezumanta llucchishpa mushucyachiyari.

⁵ Huacashpa tarpuccunaca cushicushpami cosechangacuna.

⁶ Muyuta aparishpa huacashpa llucshishpaca, grano gavillahuanmi cushilla cutingacuna.