SALMOS 120 - Dios Rimashcata Quillcashcami

Llullaccunamanta huacaichichun mañashcamanta

Huichai rishpa cantanami.

¹ Llaquihuan cashpa Mandac Diosta mañacpica, paica cutichircami.

² Mandac Dioslla, llulla shimicunamanta, quichungaraicu llullaccunamanta ñuca almataca quishpichinguiyari.

³ Llullac calluca, ¿Imatatac cugringuiyari? ¿Imapactac valigringuiyari?

⁴ ¡Macanacuc runapac flecha shinami filoyuc cangui! ¡Rupacuc retama shinami cangui!

⁵ ¡Aij ñucalla, Mesec llactapimi causacuni! ¡Cedar llactapi causaccunapac carpa huasicuna chaupipimi causacuni!

⁶ Cushilla causaita piñac gentecunahuanmi unai huatata llaquilla causashcani.

⁷ Ñucaca cushilla causaitami munani. Ashtahuanpish ñuca parlai callaricpica, paicunaca huaicashpami llaquichincuna.