SALMOS 114 - Dios Rimashcata Quillcashcami

Egiptomanta llucchishcata yuyarishacamanta

¹ Jacobopac huahua israelcuna Egiptomanta llucshishpa, chai gentecunamanta chicanyamucpica,

² Judá llactaca Diospac huasimi tucurca. Israelca pai mandana llactami tucurca.

³ Israelcunata mama cucha ricushpaca callpashpami miticurca. Jordán yacuca huashamanmi cutirca.

⁴ Urcucunaca cari oveja shina, lomacunapish huahua oveja shinami saltarca.

⁵ Mama cuchalla, ¿imamantatac callpashpa miticurcangui? Jordán yaculla, ¿imamantatac huashaman cutircangui?

⁶ Urcucunalla, lomacunalla, ¿imamantatac cari huahua oveja shina saltarcanguichicyari?

⁷ Jacobopac Mandac Diospac ñaupapica allpaca chucchunmi.

⁸ Paimi chaquishca rumi quingraitaca yacu junduta ruhuarca. Jatun rumitaca yacu tucyacuctami ruhuarca.