SALMOS 113 - Dios Rimashcata Quillcashcami

Huacchacunata Dios ayudashcamanta

Mandac Diosta jatunyachichic.

¹ ¡Mandac Diosta serviccuna paita alabaichic! ¡Mandac Diospac shutita alabaichicyari!

² Mandac Diospac shutica cunanpish, huiñaipacpish alli nishca cachun.

³ Inti llucshina ladomantaca inti tigrana ladocaman Mandac Diospac shutita alabachuncuna.

⁴ Mandac Diosmi tucui llactacunata mandacun. Paipac sumaimana achicllaca jahua pachapimi.

⁵ Jahua pachapi causac ñucanchic Mandac Dios shinaca, ¿pitac tiyangayari?

⁶ Paimi cai pachatapish, jahua pachatapish cumurishpa ricucun.

⁷ Huaccha runataca ñuto allpamantami jatarichin. Imata mana charic runatapish, yangapi cashcamantami llucchin.

⁸ Chashna llucchishpaca mandaccunahuan, pai acllashcacunata pushaccunahuanmi tiyachin.

⁹ Paimi mana huahuata chari pudic huarmitapish achca huahuayucta ruhuan. Huahuacunapac mama cashcamantaca yallitami cushicun. ¡Mandac Diosta alabaichicyari!