SALMOS 100 - Dios Rimashcata Quillcashcami

Diosta pagui nichun yachachishcamanta

Diosta pagui nina Salmomi.

¹ ¡Mandac Diostaca tucui cai pachapi causaccuna cushicushpa cantaichic!

² Mandac Diostaca cushicushpa servichicyari. Paipac ñaupamanca cushicuihuan shamuichicyari.

³ Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

⁴ Paipac huasi pungutaca pagui nishpa, paipac huasi canzha pambataca cantashpa yaicuichicyari. Paipac shutitaca alli nichicyari, shinallatac pagui nichicyari.

⁵ Chaica Mandac Diosca allimi. Paica huiñaitami cuyacun. Pai ima nishcataca huiñaita pactachicungallami.