NÚMEROS 7 - Dios Rimashcata Quillcashcami

Altarpi ofrendata churanamanta

¹ Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca.

² Chai quipami israelcunata mandaccunaca Diosman ofrendata apamurca. Paicunami israelcunata yupanata ayudarca.

³ Paicunaca carpahuan catashca sucta carretatapish, chunga ishcai huagratapishmi apamurca. Israelcunata pushaccunaca cada ishcai pushacmi shuc carretata, shuc huagrata Mandac Diospac ñaupaman apamurca.

⁴ Mandac Dios Moisesta rimashpaca:

⁵ «Paicuna apamushcacunata japishpa, imata ruhuac cashcata ricushpa levitacunaman cungui. Chai apamushcacunami ñucahuan tupana huasipica imata ruhuangapac servinga» nirca.

⁶ Moisesca carretacunatapish, huagracunatapish japishpaca levitacunamanmi curca.

⁷ Gersonpac churicunamanca ishcai carretata, chuscu huagratami paicuna imata ruhuana cashcata ricushpa curca.

⁸ Meraripac churicunamanca chuscu carretata, pusac huagratami paicuna imata ruhuana cashcata ricushpa curca. Paicunataca Aarón curapac churi Itamarmi mandacurca.

⁹ Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.

¹⁰ Altarta aceitehuan cahuishpa, Diospacllata ruhuai punzhami Israel aillucunaca altarta Diosman mingangapac ofrendata apamurca. Chashnami israelcunata mandaccunaca altar ñaupaman apamurca.

¹¹ Mandac Dios Moisesta rimashpaca: «Altarta ñucaman mingangapacca punzhantami shuc mandac ñucaman ofrendata apamuna can» nirca.

¹² Callari punzhapica Judapac aillupuramanta Aminadabpac churi Naasonmi Diosman ofrendata apamurca.

¹³ Paipac ofrendaca Diospaclla ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

¹⁴ Shinallatac chunga siclosta pezac curi cucharapi inciensota jundachishcatapish apamurcami.

¹⁵ Shinallatac tucui rupachingapacca shuc becita, shuc cari ovejata, shuc huatayuc cari ovejatami apamurca.

¹⁶ Shuc cari chivotapish juchata pichachun Diosman cungapac apamurcami.

¹⁷ Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Aminadabpac churi Naasonpac ofrendaca carca.

¹⁸ Ishcai punzhapica Zuarpac churi Isacarpac churicunata pushac Natanaelmi ofrendata apamurca.

¹⁹ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, shinallatac canchis chunga siclosta pezac cullqui jarromi apamurca. Chai ishcaipitacmi alli harinata aceitehuan jundachishca carca.

²⁰ Shinallatac chunga siclosta pezac curi cucharapi inciensota jundachishcatapish apamurcami.

²¹ Tucui rupachingapacca shuc becita, shuc cari ovejata, shuc huatayuc cari ovejatami apamurca.

²² Shuc cari chivotaca juchata pichachun Diosman cungapacmi apamurca.

²³ Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Zuarpac churi Natanaelpac ofrendaca carca.

²⁴ Quimsa punzhapica Helonpac churi Zabulonpac churicunata pushac Eliabmi ofrendata apamurca.

²⁵ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

²⁶ Shinallatac chunga siclosta pezac curi jatun cucharapi inciensota jundachishcatapish apamurcami.

²⁷ Tucui rupachingapacca shuc becita, shuc cari ovejata, shuc huatayuc cari ovejatami apamurca.

²⁸ Shuc cari chivotaca juchata pichachun Diosman cungapacmi apamurca.

²⁹ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Helonpac churi Eliabpac ofrendaca carca.

³⁰ Chuscu punzhapica Sedeurpac churi Rubenpac churicunata pushac Elisurmi ofrendata apamurca.

³¹ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

³² Shinallatac chunga siclosta pezac curi cucharatapi inciensota jundachishcatapish apamurcami.

³³ Tucui rupachingapacca shuc becita, shuc cari ovejata, shuc huatayuc cari ovejatami apamurca.

³⁴ Shuc cari chivotaca juchata pichachun Diosman cungapacmi apamurca.

³⁵ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc charic pichca cari ovejatami apamurca. Caicunami Sedeurpac churi Elisurpac ofrendaca carca.

³⁶ Pichca punzhapica Zurisadaipac churi Simeonpac churicunata pushac Selumielmi ofrendata apamurca.

³⁷ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

³⁸ Shinallatac chunga siclosta pezac curi jatun cucharapi inciensota jundachishcatapish apamurcami.

³⁹ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁴⁰ Shuc cari chivotaca juchata pichachun Diosman cungapacmi apamurca.

⁴¹ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Zurisadaipac churi Selumielpac ofrendaca carca.

⁴² Sucta punzhapica Reuelpac churi Gadpac churicunata pushac Eliasafmi ofrendata apamurca.

⁴³ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

⁴⁴ Shinallatac chunga siclosta pezac curi jatun cucharapi inciensota jundachishcatapish apamurcami.

⁴⁵ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁴⁶ Shuc cari chivotaca juchata pichachun Diosman cungapacmi apamurca.

⁴⁷ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Reuelpac churi Eliasafpac ofrendaca carca.

⁴⁸ Canchis punzhapica Amihudpac churi Efrainpac churicunata pushac Elisamami ofrendata apamurca.

⁴⁹ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

⁵⁰ Shinallatac chunga siclosta pezac curi cucharapi inciensota jundachishcatapish apamurcami.

⁵¹ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁵² Shuc cari chivotaca juchata pichachun Diosman cungapacmi apamurca.

⁵³ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunatami Amihudpac churi Elisamaca Diosman cungapac apamurca.

⁵⁴ Pusacni punzhapica Pedasurpac churi Manasespac churicunata pushac Gamalielmi ofrendata apamurca.

⁵⁵ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

⁵⁶ Shinallatac chunga siclosta pezac curi cucharapi inciensota jundachishcatapish apamurcami.

⁵⁷ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁵⁸ Shuc cari chivotaca juchata pichachun Diosman cungapacmi apamurca.

⁵⁹ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Pedasurpac churi Gamalielpac ofrendaca carca.

⁶⁰ Iscun punzhapica Gedeonipac churi Benjaminpac churicunata pushac Abidanmi ofrendata apamurca.

⁶¹ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

⁶² Shinallatac chunga siclosta pezac curi cucharapi inciensota jundachishcatapish apamurcami.

⁶³ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁶⁴ Shuc cari chivotaca juchata pichachun Diosman cungapacmi apamurca.

⁶⁵ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shinallatac shuc huatayuc pichca cari ovejatami apamurca. Caicunami Gedeonipac churi Abidanpac ofrendaca carca.

⁶⁶ Chunga punzhapica Amisadaipac churi Danpac churicunata pushac Ahiezermi ofrendata apamurca.

⁶⁷ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

⁶⁸ Shinallatac chunga siclosta pezac curi cucharapi inciensota jundachishcatapish apamurcami.

⁶⁹ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁷⁰ Shuc cari chivotaca juchata pichachun Diosman cungapacmi apamurca.

⁷¹ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Amisadaipac churi Ahiezerpac ofrendaca carca.

⁷² Chunga shuc punzhapica Ocranpac churi Aserpac churicunata pushac Paguielmi ofrendata apamurca.

⁷³ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

⁷⁴ Shinallatac chunga siclosta pezac curi cucharapi inciensota jundachishcatapish apamurcami.

⁷⁵ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁷⁶ Shuc cari chivotaca juchata pichachun Diosman cungapacmi apamurca.

⁷⁷ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Ocranpac churi Paguielpac ofrendaca carca.

⁷⁸ Chunga ishcai punzhapica Enanpac churi Neftalipac churicunata pushac Ahirami ofrendata apamurca.

⁷⁹ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

⁸⁰ Shinallatac chunga siclosta pezac curi cucharapi inciensota jundachishcatapish apamurcami.

⁸¹ Tucui rupachingapacca shuc becita, shuc cari ovejata, shuc huatayuc cari ovejatami apamurca.

⁸² Shuc cari chivotaca juchata pichachun Diosman cungapacmi apamurca.

⁸³ Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Enanpac churi Ahirapac ofrendaca carca.

⁸⁴ Aceitehuan cahuishpa, altarta Diospacllata ruhuashpa, paiman mingana punzhapica Israel aillucunata pushaccunaca caicunatami Diosman cungapac apamurca. Chunga ishcai cullqui platota, chunga ishcai cullqui jarrota, chunga ishcai curi cucharatami apamurca.

⁸⁵ Chai chunga ishcai platocunaca cada platomi patsac quimsa chunga siclosta pezarca. Shinallatac chai chunga ishcai jarrocunapish cada jarromi canchis chunga siclosta pezarca. Tucui caicunata tandachicpica, ishcai huaranga chuscu patsac siclostami pezarca.

⁸⁶ Diospaclla cac ucupi tiyac cullqui valishca shinami chunga ishcai curi cucharapi inciensota jundachishca carca. Chai cucharacunaca cada cucharami chunga siclosta pezarca. Tucui tandachicpica, patsac ishcai chunga siclos valicmi carca.

⁸⁷ Tucui rupachina huagracunata tandachicpica, chunga ishcai becicuna, chunga ishcai cari ovejacuna, chunga ishcai shuc huatayuc cari ovejacunatami Mandac Diosman cungapac apamurca. Cutin chunga ishcai cari chivocunataca juchata pichachun cungapacmi apamurca.

⁸⁸ Mandac Dios-huan alli tucungapac apamushcaca ishcai chunga chuscu huagracuna, sucta chunga cari ovejacuna, sucta chunga cari chivocuna, shuc huatayuc cari ovejami carca. Sucta chungata tandachishpami pushaccunaca aceitehuan tallishca quipa altarpi Diosman cungapacca apamurca.

⁸⁹ Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.