NÚMEROS 33 - Dios Rimashcata Quillcashcami

Israelcuna Egipto llactamanta Jordanman rishcamanta

¹ Israelcunataca Egipto llactamantaca Moisés, Aaronmi soldadocunata shina pushamurca.

² Moisesca Mandac Dios mandacpimi, israelcuna maita shamushcata, maipi samarishcata quillcarca. Paicunaca cai llactacunatami rirca.

³ Israelcunaca Ramesesmantaca punta quilla, chunga pichca punzhapimi llucshirca. Chaica Pascua micuita micushca cayandi punzhami carca. Chai punzhami paicunaca Egipto runacuna ricucucpi, mana manchashpa llucshirca.

⁴ Chai punzhapica Egipto runacunaca paicunapac punta churicunata Mandac Dios huañuchishcatami enterracurca. Paicunapac dioscunatapish Mandac Diosca llaquichircami.

⁵ Israelcunaca Ramesesmanta llucshishpaca, Sucotpimi carpa huasita shayachishpa tiyarirca.

⁶ Sucotmanta llucshishpaca, shitashca pamba callaripi cac Etam pambapimi carpa huasita shayachishpa tiyarirca.

⁷ Etam pambamanta llucshishpaca, Baal-zefón chimba ladopi cac Pi-hahirot llacta ladomanmi muyurca. Chaica Migdol llacta chimba ladopimi carpa huasita shayachishpa tiyarirca.

⁸ Pi-hahirot llactamanta llucshishpaca, mama cucha chaupita pasashpami, shitashca pamba Etamman chayarca. Chai pambata quimsa punzhata purishpami, Mara pambapi carpa huasita shayachishpa tiyarirca.

⁹ Mara pambamanta llucshishpaca, chunga ishcai yacu junducuna, canchis chunga palmera yuracuna tiyac Elimpimi carpa huasita shayachishpa tiyarirca.

¹⁰ Elimmanta llucshishpaca, Puca Cucha yacu ladopimi carpa huasita shayachishpa tiyarirca.

¹¹ Puca Cucha yacu ladomanta llucshishpaca, shitashca pamba Sinpimi carpa huasita shayachishpa tiyarirca.

¹² Shitashca pamba Sinmanta llucshishpaca, Dofcapimi carpa huasita shayachishpa tiyarirca.

¹³ Dofca llactamanta llucshishpaca, Alus shitashca pambapimi carpa huasita shayachishpa tiyarirca.

¹⁴ Alus pambamanta llucshishpaca, Refidim pambapimi tiyarirca. Chaipica ubiana yacuca mana tiyarcachu.

¹⁵ Refidim pambamanta llucshishpaca, Sinaí shitashca pambapimi carpa huasita shayachishpa tiyarirca.

¹⁶ Sinaí pambamanta llucshishpaca, Quibrot-hataavá pambapimi carpa huasita shayachishpa tiyarirca.

¹⁷ Quibrot-hataavá pambamanta llucshishpaca, Hazerotpimi carpa huasita shayachishpa tiyarirca.

¹⁸ Hazerot pambamanta llucshishpaca, Ritma pambapimi carpa huasita shayachishpa tiyarirca.

¹⁹ Ritma pambamanta llucshishpaca, Rimón-peres pambapimi carpa huasita shayachishpa tiyarirca.

²⁰ Rimón-peres pambamanta llucshishpaca, Libna pambapimi carpa huasita shayachishpa tiyarirca.

²¹ Libna pambamanta llucshishpaca, Risa pambapimi carpa huasita shayachishpa tiyarirca.

²² Risa pambamanta llucshishpaca, Ceelata pambapimi carpa huasita shayachishpa tiyarirca.

²³ Ceelata pambamanta llucshishpaca, Sefer urcupimi carpa huasita shayachishpa tiyarirca.

²⁴ Sefer urcumanta llucshishpaca, Harada pambapimi carpa huasita shayachishpa tiyarirca.

²⁵ Harada pambamanta llucshishpaca, Maquelot pambapimi carpa huasita shayachishpa tiyarirca.

²⁶ Maquelot pambamanta llucshishpaca, Tahat pambapimi carpa huasita shayachishpa tiyarirca.

²⁷ Jahat pambamanta llucshishpaca, Tara pambapimi carpa huasita shayachishpa tiyarirca.

²⁸ Tara pambamanta llucshishpaca, Mitca pambapimi carpa huasita shayachishpa tiyarirca.

²⁹ Mitca pambamanta llucshishpaca, Has-mona pambapimi carpa huasita shayachishpa tiyarirca.

³⁰ Has-mona pambamanta llucshishpaca, Moserot pambapimi carpa huasita shayachishpa tiyarirca.

³¹ Moserot pambamanta llucshishpaca, Benei-jaacán pambapimi carpa huasita shayachishpa tiyarirca.

³² Benei-jaacán pambamanta llucshishpaca, Gidgad urcupimi carpa huasita shayachishpa tiyarirca.

³³ Gidgad urcumanta llucshishpaca, Jotbata pambapimi carpa huasita shayachishpa tiyarirca.

³⁴ Jotbata pambamanta llucshishpaca, Abrona pambapimi carpa huasita shayachishpa tiyarirca.

³⁵ Abrona llactamanta llucshishpaca, Ezión-geber pambapimi carpa huasita shayachishpa tiyarirca.

³⁶ Ezión-geber pambamanta llucshishpaca, shitashca pamba Zinman chayashpami Cades muyundipi carpa huasita shayachishpa tiyarirca.

³⁷ Cadesmanta llucshishpaca, Edom llactahuan tupanacuc Hor urcupimi carpa huasita shayachishpa tiyarirca.

³⁸ Chaipi cashpami Mandac Dios mandashca shinallatac Aarón curaca Hor urcuman huichai rishpa chaipi huañurca. Israelcunaca Egiptomanta llucshimushcaca chuscu chunga huatami tucurca. Chai huata pichca quilla callari punzhapimi paica huañurca.

³⁹ Aaronca patsac ishcai chunga quimsa huatayuc cashpami Hor urcupi huañurca.

⁴⁰ Neguevpi causac Arad llactata jatun mandac cananeocunami israelcuna shamushcata uyarca.

⁴¹ Hor urcumanta llucshishpaca, Zalmona pambapimi carpa huasita shayachishpa tiyarirca.

⁴² Zalmona pambamanta llucshishpaca, Punón pambapimi carpa huasita shayachishpa tiyarirca.

⁴³ Punón pambamanta llucshishpaca, Obot pambapimi carpa huasita shayachishpa tiyarirca.

⁴⁴ Obot pambamanta llucshishpaca, Moab llactahuan tupanacuc Iye-abarim pambapimi carpa huasita shayachishpa tiyarirca.

⁴⁵ Iye-abarim pambamanta llucshishpaca Dibón-gad pambapimi carpa huasita shayachishpa tiyarirca.

⁴⁶ Dibon-gadmanta llucshishpaca, Almon-diblataimman chayashpami carpa huasita shayachishpa tiyarirca.

⁴⁷ Almon-diblataimmanta llucshishpaca, Nebo urcumanta inti llucshina ladoman cac Abarim urcucunapimi carpa huasita shayachishpa tiyarirca.

⁴⁸ Abarim urcucunamanta llucshishpaca Moabpi cac pambapimi carpa huasita shayachishpa tiyarirca. Chaica Jordán yacu ladopi cac Jericó chimbapurapimi carca.

⁴⁹ Jordán yacu cuchupi cac Moab llacta pambacunapica Bet-jesimotmanta callarishpami Abel-sitimcaman israelcunaca carpa huasita shayachishpa tiyarirca.

Canaán llactata chaupinacushcamanta

⁵⁰ Israelcunaca Moab llactapi cac Jordán yacu lado Jericó chimba ladopimi causarca. Paicuna chaipi cacpimi, Mandac Diosca Moisestaca:

⁵¹ «Israelcunataca: “Cancuna Jordán yacuta pasashpa, Canaanman yaicushpaca,

⁵² chai llactapi causaccunataca tucuita llucchishpa cachanguichic. Chashnallatac rumimanta ruhuashca dioscunata chingachinguichic. Lomacunapi ruhuashca altarcunatapish tucuita chingachinguichic.

⁵³ Chai allpapi causaccunataca tucuita llucchishpa cachashpa, chai llactapi cancuna causachunmi curcani.

⁵⁴ Allpataca cancunapac aillucuna mashna cashca shinallatac suerteta ruhuashpa chaupinguichic. Achca aillucuna cashpaca, achcata allpata japinguichic. Ashalla cashpaca, ashalla allpata japinguichic. Maipimi paicunaman suerte urman chaipimi japina canguichic.

⁵⁵ Ashtahuanpish cancuna chai llactapi causaccunata mana llaquichishpa cachacpica, chai saquirishca gentecunaca ñahuipi astilla yaicushca shina, cuerpopi casha yaicushca shinami cancunataca llaquichinga.

⁵⁶ Ñucaca cancunahuan paicunata imata ruhuasha nishca shinami ruhuasha” ninmi ningui» nirca.