NEHEMÍAS 11 - Dios Rimashcata Quillcashcami

Jerusalenpi causagriccunamanta

¹ Israelcunata mandaccunaca Jerusalenpimi causarcacuna. Ashtahuanpish caishuc israelcunataca chungamanta shuc, Diospaclla Jerusalenpi causachunmi suerteta ruhuashpa acllarca. Caishuc iscuncunaca shuc pueblocunapimi causagrirca.

² Quiquin munaihuan Jerusalenpi causangapac saquiriccunataca israelcunami bendiciarca.

³ Chashnami llactata mandaccunaca Jerusalenpi causarcacuna. Ashtahuanpish israelcuna, curacuna, levitacuna, Diospac huasipi serviccuna, Salomonta serviccunapac huahua huahuacunaca Judá llactacunallapitacmi quiquin allpacunallapitac, pueblocunallapitac causarcacuna.

⁴ Judapac, Benjaminpac huahua huahuacunaca Jerusalenpimi maijancunaca causarcacuna. Judapac huahua huahuacunapuramantaca: Ataiasca Uziaspac churi, Uziasca Zacariaspac churi, Zacariasca Amariaspac churi, Amariasca Sefatiaspac churi, Sefatiasca Mahalaleelpac churimi carca. Mahalaleelca Farespac huahua huahuapuramantami carca.

⁵ Barucpac churi Maasías, Barucca Colhozepac churi, Colhozeca Hazaiaspac churi, Hazaiasca Adadiaspac churi, Adadiasca Joiaribpac churi, Joiaribca Zacariaspac churi, Zacariasca Silonipac churimi carca.

⁶ Jerusalenpi causac Farespac huahua huahuacunaca chuscu patsac sucta chunga pusac macanacuc runacunami carca.

⁷ Benjaminpac huahua huahuacunaca: Mesulampac churi Salumi carca. Mesulamca Joedpac churi, Joedca Pedaiaspac churi, Pedaiasca Colaiaspac churi, Colaiasca Maasiaspac churi, Maasiasca Itielpac churi, Itielca Jesaiaspac churimi carca.

⁸ Paipac quipaca Gabai, Salaimi carca. Tucui paicunaca iscun patsac ishcai chunga pusacmi carca.

⁹ Paicunata mandacca Joelpac churi Zicrimi carca. Jerusalén pueblopi causaccunata quipa mandacca Hasenuapac churi Judami carca.

¹⁰ Curacunapuramantaca: Joiaribpac churicuna Jedaías, Jaquinmi carca.

¹¹ Seraiasca Hilciaspac churi, Hilciasca Mesulampac churi, Mesulamca Sadocpac churi, Sadocca Meraiotpac churi, Meraiotca Ahitobpac churimi carca. Paimi Diospac huasipi mandac carca.

¹² Diospac huasipi servic huauquicunaca pusac patsac ishcai chunga ishcaimi carca. Shinallatac Adadiasca Jerohampac churi, Jerohamca Pelaiaspac churi, Pelaiasca Amsipac churi, Amsica Zacariaspac churi, Zacariasca Pasurpac churi, Pasurca Malquiaspac churimi carca.

¹³ Paicunapac huasi ucupurata mandac paicunapac huauquicunaca ishcai patsac chuscu chunga ishcaimi carca. Amasaica Azareelpac churi, Azareelca Azaipac churi, Azaica Mesilemotpac churi, Mesilemotca Imerpac churimi carca.

¹⁴ Paicunapac sinchi macanacuc huauquicunaca patsac ishcai chunga pusacmi carca. Paicunata mandacca Gedolimpac churi Zabdielmi carca.

¹⁵ Levitacunapuramantaca: Hasubpac churi Semaiasmi carca. Hasubca Azricampac churi, Azricamca Hasabiaspac churi, Hasabiasca Bunipac churimi carca.

¹⁶ Sabetaipish, Jozabadpish levitacunata mandaccunami carca. Paicunaca Diospac huasi canzhapi ima ruhuanata ricuccunami carca.

¹⁷ Mataniasca Micaiaspac churi, Micaiaca Zabdipac churi, Zabdica Asafpac churimi carca. Paimi Diosta alli nishpa cantana horaspica pushashpa cantac carca. Bacbuquiasca quipa mandacmi carca. Abdaca Samuapac churi, Samuaca Galalpac churi, Galalca Jedutunpac churimi carca.

¹⁸ Diospaclla Jerusalenpi causac levitacunaca ishcai patsac pusac chunga chuscumi carca.

¹⁹ Diospac huasi pungupi cuidaccunaca Acub, Talmón paicunapac tucui huauquicunahuanca patsac canchis chunga ishcaimi carca.

²⁰ Caishuc israelcuna, curacuna, levitacunaca Judá llacta tucui pueblocunapimi quiquin allpacunallapitac causarca.

²¹ Diospac huasipi servishpa causaccunaca Ofel pueblopimi causarca. Paicunataca Ziha, Gispami mandacurca.

²² Jerusalenpi causac levitacunata mandacca Banipac churi Uzimi carca. Banica Hasabiaspac churi, Hasabiasca Mataniaspac churi, Mataniasca Micaiaspac churi, Micaiasca Asafpac huahua huahuapuramantami carca. Paicunami Diospac huasipi imata ruhuanapica cantaccuna carca.

²³ Jatun mandacca cada punzha cantaccuna ima ruhuana cashcata ruhuachunmi quillcashpa mandashca carca.

²⁴ Shinallatac Mesezabeelpac churi Petaniasmi jatun mandacpac shutipi israelcuna ima allichina cacpica allichicurca. Mesezabeelca Judapac churi Zerapac huahua huahuapuramantami carca.

Jerusalén muyundi pueblocunapi causaccunamanta

²⁵ Uchilla pueblocuna, chai muyundi llactacunapica Judapac huahua huahuapuramanta maijancunami Quiriat-arba, Dibón, Jecabseel pueblocuna, shinallatac muyundi uchilla llactacunapi causacurca.

²⁶ Shinallatac Jesúa, Molada, Bet-pelet,

²⁷ Hazar-sual, Beerseba pueblocuna shinallatac muyundi uchilla llactacunapimi causacurca.

²⁸ Siclag, Mecona,

²⁹ En-rimón, Zora, Jarmut,

³⁰ Zanoa, Adulam, Laquis, Azeca pueblocuna chai muyundi uchilla llactacunapimi causacurca. Paicunaca Beerseba pueblocunamanta Hinom pugru pambacamanmi causarca.

³¹ Benjaminpac huahua huahuapuraca Geba, Micmas, Aía, Bet-el pueblocuna, chai uchilla muyundi llactacunapimi causacurca.

³² Anatot, Nob, Ananías,

³³ Hazor, Ramá, Gitaim,

³⁴ Hadid, Seboím, Nebalat,

³⁵ Lod, Ono pueblocunapi shinallatac artesanocuna causana pugru pambacunapimi causacurca.

³⁶ Levitapuramanta maijancunaca Judá llactapi, Benjamín llactapimi causarcacuna.