JOSUÉ 12 - Dios Rimashcata Quillcashcami

Moisés atishca jatun mandaccunamanta

¹ Israelcunaca Jordán yacu chimba ladoman cac inti llucshic lado llactacunataca Arnón yacumantaca Hermón urcucaman, shinallatac inti llucshic ladopi cac Arabá tucui llactatami japirca. Chai jatun mandaccunata atishpami, israelcunaca chai llactacunata japirca.

² Hesbón pueblopi causac amorreocunata jatun mandac Sehonca Arnón yacu patapi tiyac Aroer pueblomantaca, chaupi Galaad llactata catishpa Jaboc yacucamanmi mandacurca. Chai yacumi amonitacunapac llactahuan lindero carca.

³ Inti llucshina ladomanca Arabá pambata catishpa, Cineret mama cuchata catishpa, Arabá mama cuchacaman, chaimantaca Cachi Cuchacaman shinallatac Bet-jesimot puebloman rina ñan uraita catishpami carca. Ura ladomanca Pisga loma quingraicunacamanmi carca.

⁴ Basán llactataca jatun mandac Ogca refaitacunapuramanta saquirishcami carca. Paica Astarot, Edrei pueblocunapimi causarca.

⁵ Paica Hermón urcupi tiyac Salca pueblota, shinallatac tucui Basán llactata, Gesur llactahuan Maaca llactahuan tupanacuicaman, shinallatac Galaad chaupi llactacaman, Hesbón pueblota jatun mandac Sehón mandacuc llacta linderocamanmi mandacurca.

⁶ Chai jatun mandaccunatami Mandac Diosta servic Moisespish, israelcunapish atirca. Chai llactacunatami Mandac Diosta servic Moisesca Rubenpac, Gadpac aillucunaman shinallatac Manasespac chaupi ailluman curca.

Josué macanacushpa atishca jatun mandaccunamanta

⁷ Josuehuan, israelcunahuanca cai jatun mandaccunallatami atirca. Jordán yacumanta inti tigrana ladomanca Líbano pambapi tiyac Baal-gad llactamanta Seir urcuman ric Halac urcucamanmi atishpa japirca. Chai allpatami Josueca Israel aillucunaman paicuna mashna cashca ricushpa chaupishpa curca.

⁸ Shina chaupishpami urcucunapi, pugru pambacunapi, Arabá pambapi, urcu quingraicunapi, Neguev shitashca pambapi allpata curca. Chai llactapica heteocuna, amorreocuna, cananeocuna, ferezeocuna, heveocuna, jebuseocunami causac carca.

⁹ Cai jatun mandaccunatami huañuchirca. Jericó pueblota jatun mandacta, Bet-el pueblo ladopi tiyac Hai pueblota jatun mandacta,

¹⁰ Jerusalén pueblota jatun mandacta, Hebrón pueblota jatun mandacta,

¹¹ Jarmut pueblota jatun mandacta, Laquis pueblota jatun mandacta,

¹² Eglón pueblota jatun mandacta, Gezer pueblota jatun mandacta,

¹³ Debir pueblota jatun mandacta, Geder pueblota jatun mandacta,

¹⁴ Horma pueblota jatun mandacta, Arad pueblota jatun mandacta,

¹⁵ Libna pueblota jatun mandacta, Adulam pueblota jatun mandacta,

¹⁶ Maceda pueblota jatun mandacta, Bet-el pueblota jatun mandacta,

¹⁷ Tapúa pueblota jatun mandacta, Hefer pueblota jatun mandacta,

¹⁸ Afec pueblota jatun mandacta, Sarón pueblota jatun mandacta,

¹⁹ Madón pueblota jatun mandacta, Hazor pueblota jatun mandacta,

²⁰ Simronmerón pueblota jatun mandacta, Acsaf pueblota jatun mandacta,

²¹ Taanac pueblota jatun mandacta, Meguido pueblota jatun mandacta,

²² Cedes pueblota jatun mandacta, Carmelo urcu ladopi tiyac Jocneam pueblota jatun mandacta,

²³ Dor llacta Dor pueblota jatun mandacta, Gilgal llactapi tiyac Goim pueblota jatun mandacta,

²⁴ Tirsa pueblota jatun mandactami huañuchirca. Huañuchishca jatun mandaccunaca quimsa chunga shucmi carca.